Seasons Restaurant & Bar

Open Now

Now Closed

為咗見exchange完好耐冇見嘅朋友，我哋決定搵一間有氣氛嘅餐廳慢慢聚舊。喺佐敦一條靜靜嘅街上，有一個外國嘅店員向我地作招徠。我哋見到餐廳入邊有情調嘅燈光好似幾神秘，又見到店員咁熱情，所以我哋決定入去試吓。一坐低，店員就俾左啲小食我地。鹹鹹嘅薄脆配上特色嘅尼泊爾醬汁，好有香料嘅味道，令我地都好期待一陣嘅主菜。睇完Menu之後我哋唔知從何入手，店員就好熱衷咁向我哋介紹佢哋嘅招牌菜。呢個Dahl puri係一個好有趣嘅小食脆皮包住酸酸辣辣嘅yogurt，仲有薯仔粒同芝士碎，口感同味道都好有驚喜！四季薄餅喺呢度嘅熱門菜。佢香料十足，芝士量又多，仲可以拉到絲添！薄餅底唔厚薄，食多幾塊都冇問題，大推！香蒜辣椒蝦意粉都好好味，蝦彈牙爽口，意粉唔會油淋淋我哋仲嗌左半份ribs，份量有啲都唔細，肉質淋滑。仲配有薯角同沙律菜，好完滿！飲品就叫左seasons breeze ，banana Lassi，mango lassi，全部都唔太甜，唔錯！