山東餃子館 (Moved) New Location

行經旺角花墟買花為屋企報置一番，行到累就去山東餃子店醫下肚。鋪面雖小，但五臟俱全，環境尚算乾淨。既然鋪頭名係餃子，緊係要試下啦，即刻叫左韭菜淨餃同埋西洋菜淨餃。韭菜餃肉汁豐富，一咬落去即刻必汁，十分juicy。但韭菜不算太多，味道不算突出。相反，西洋菜餃沒有太多汁，但係西洋菜味突出，亦無苦澀味，較為好味。野飲方面特登叫左杯蜂蜜山薑茶，薑片味濃，整杯飲品充斥薑味，入口順暢，女士十分適合。小食方面，我們點了三絲春卷，春卷餡料豐富，有蘿蔔絲、雲耳、椰菜、火腿等，春卷皮炸得脆，略嫌油膱味太重。雞翼醃料十足，煎炸時間略長，有待改善。醉雞上菜已經聞到酒味，雞肉嫩滑入味，皮爽脆彈牙，高質。