楊記麻辣魚館 (長樂街)

Open Now

Now Closed

平日都好少食川菜，今日因為要招呼朋友，就黎到屋企附近呢間餐廳食飯。餐廳環境係一般茶餐廳嘅格局，店員幾有禮貌，上菜速度亦都快手，對佢哋嘅服務係滿意嘅👍🏻以下呢三款食物係我覺得今餐最好食嘅。手撕包菜上枱嘅時候非常之香，令人食指大動。包菜炒得岩岩好，唔會過火，唔會太老，口感爽脆微酸。宮保雞丁有大量花生做配料，食落口感更加豐富，而且啖啖肉。味道辣中有甜，入口既時候先有香辣既味道，然後有少少甜，唔會係令人好辛苦嘅辣味。四川扣肉係比較重口味嘅菜式，味道比較濃、香，肉質香軟，重點係肥而不膩，食完冇飽飽滯滯既感覺，撈飯食相當唔錯！