兩草 (銅鑼灣道) (Closed)

煎蛋肉餅飯蛋煎得好靚，脆邊而中間蛋黃流心，蛋汁撈飯一流，肉餅juicy，配搭特色豉油撈飯好食，米飯煮得剛剛好，不太軟又不太乾身，材料簡單但煮得咁好食，真係會令人回味呢碗咁好食既飯。叉燒滑蛋飯朋友order既，食左啖，覺得蛋好滑叉燒好嫩，下次有機會再食。胡椒肉骨茶（小籠包）胡椒味極重！我超級愛呢碗湯既足料胡椒味，飲晒成碗湯呀！小籠包不過不失啦。另外炒豬腸粉同咖央多都好好食，簡單而好味，無特別花巧野。我最鍾意d簡單而地”mou”既食物，愈簡單既食材先愈顯得小店既用心，係一間我絕對會回頭既店。