八沢 (霎東街) (Closed)

之前聽朋友介紹過呢間日本野 入面野食非傳統日式料理 加入左好多創新元素 今次終於有時間一齊過嚟試下🤗店舖唔算好大 但位置都算寬敞 唔會逼埋一齊素食掛烏冬因為有朋友食素 而呢度都有適合的食物 一嚟就見到滿滿的麻醬 仲要另上左一碟 真係點極都仲有😛烏冬材料都簡單 有菜 蕃茄 紫菜 冬菇 屬於較清淡的食物 而麻醬就屬於比較濃味 所以一齊食就剛剛好 特別一提 菇的味道好香🤗黑松露忌廉海鮮烏冬湯底好香濃忌廉味 黑松露份量都好夠 烏冬好彈牙 海鮮亦好足料 有大大隻帶子同三文魚 必試食物之一👍🏻明太子雞翼 牛乳忌廉餅明太子雞翼剪得好香口 入面饟左明太子粒 好惹味！牛乳忌廉餅都好好食 外脆入面都爆餡 juicy可口！牛油包菇牛油味勁香 加上金菇 雖然配搭簡單 但好好食 食唔停口😋仲有好多野飲選擇 呢杯係凍檸蜜如果大家鍾意日本野 但又想有新刺激 不坊一試 野食有質素有心思😊