千福大少 (Closed)

值得一去的地方, 不是因為食物, 我只覺得老闆好有心思去佈局。這裡很黑, 很木, 很簡單但是很特出, 位置相當的格涉, 好聽一點就是自成一角, 是之前朋友結婚要預備big day會議而來。 服務非常好, waitress會主動同你傾下計, 雖然有點亂, 但誠意可嘉, 加分。是次我們8人全部叫晒海南雞飯, 因為沒太多選擇之余, 我們亦沒什麼心情去品嘗美食。雞, 做得不錯幾滑, 不過唔太夠雞味, 豉油有點怪怪的好像完全沒有豉香只有鹹, 配菜不錯有心思, 最重要係presentation同裝修襯得翻, 感覺好乾淨, 總之唔坐outdoor應該都會好舒服。 老實講海南雞飯有少少貴, 但我鐘意佢地唔趕人, 因為我地開會開左好耐但所有員工都好有禮貌地招呼我地, 不過因為位置問題我就去過只此一次。