雅士餐廳

Open Now

Now Closed

今日約左好姊妹係粉嶺附近食飯，想搵一個可以坐得舒服又唔會趕住要走既餐廳食飯。路經呢間餐廳見裝潢都幾靚幾古典，又睇落幾舒服，重點又唔會好多人唔洗等位，於是就入左去食了。呢度都有好多選擇，我地一行三人都揀食唔同既扒，可以share 食。叫左牛柳、豬扒同埋三文魚。先有餐湯，揀左平時少有得飲既周打魚湯，都幾鮮味好飲。跟埋餐包，餐包微暖，塗牛油，都好食牛柳配薯菜，牛柳7成熟，都易切，味道都唔錯，食落都有咬口唔會韌，薯條都熱辣辣既。豬扒唔記得影相，相對冇咁嫩口，但印象中都唔差。三文魚扒都煎得幾香，不過有少少油，但都香脆既，意粉超多！其實佢仲配埋餐飲同啫喱，個啫喱又幾好食喎！又有果肉！ 個餐超豐富、量多，好飽肚，我地完全食唔曬啊！ 呢間餐廳幾好，服務唔錯，份量又多，程點係坐得舒服，環境幾好。