Video
Read full review
2023-02-02
111 views
今晚同朋友來到位於中環的LA PARRILLA STEAKHOUSE 晚飯, 睇佢地Openrice 嘅簡介, 淨係食環境都已經非常吸引, 深色木系、磚牆、吊扇打造出濃厚外國氣氛, 加上佢地有自家熟成櫃, 每款牛扒至少熟成7-14日, 牛扒特別軟嫩同重肉味咁話。Trapiche Merlot ($75)既然佢哋有自家熟成櫃, 今晚當然要試佢哋嘅牛扒, 紅酒配紅肉是常識吧, 呢杯紅酒聞落好葡萄香, 第一口有啲dry 及木香, 停留了一陣, 食完前菜, 再配牛扒飲, 味道則截然不同, 紅酒變得順滑, 配紅肉更能帶出微微的葡萄果甜, 配牛肉很不錯Buenos Aires Spritz ($78)Seafood Platter ($298)內有海鮮4小碟, 4碟的味道也不一樣的。1.Ceviche de lubina 酸橘汁腌鱼 ~ 魚粒用洋蔥、牛油果、紅蔥頭、酸橘汁及粟米油撈的, 魚粒軟腍油滑, 有洋蔥、紅菜頭嘅刺激辛香, 又有牛油果嘅香軟清新果味, 又有酸酸香香嘅清新橘子果香, 味道層次及口感也很豐富, 2.Wild Prawn Ceviche ~ 用芒果、熱情果、洋蔥、蕃茄及柑橘汁醃製過
Trapiche Merlot ($75)
既然佢哋有自家熟成櫃, 今晚當然要試佢哋嘅牛扒, 紅酒配紅肉是常識吧, 呢杯紅酒聞落好葡萄香, 第一口有啲dry 及木香, 停留了一陣, 食完前菜, 再配牛扒飲, 味道則截然不同, 紅酒變得順滑, 配紅肉更能帶出微微的葡萄果甜, 配牛肉很不錯
Buenos Aires Spritz ($78)
Seafood Platter ($298)
內有海鮮4小碟, 4碟的味道也不一樣的。
1.Ceviche de lubina 酸橘汁腌鱼 ~ 魚粒用洋蔥、牛油果、紅蔥頭、酸橘汁及粟米油撈的, 魚粒軟腍油滑, 有洋蔥、紅菜頭嘅刺激辛香, 又有牛油果嘅香軟清新果味, 又有酸酸香香嘅清新橘子果香, 味道層次及口感也很豐富,
2.Wild Prawn Ceviche ~ 用芒果、熱情果、洋蔥、蕃茄及柑橘汁醃製過的野生開邊蝦仁, 味道酸酸甜甜, 很開胃醒神, 有啲泰式甜酸醬feel, 蝦肉大隻厚身, 開半更能讓蝦身每一吋肌膚都吸收了甜酸汁, 蝦肉口感爽脆, 有彈性, 鮮味十足
3.Tuna Ceviche 橘子汁醃製吞拿魚 ~ 正正方方的吞拿魚粒以芒果、熱情果、洋蔥、香菜、辣椒及柑橘汁醃製, 味道同野生醃蝦差不多, 不過就多咗香辣味道, 吞拿魚魚粒肉質結實, 味道鮮美, 吃出淡淡清新香菜及生果的香、酸、甜美味。
4.Hokaido Scallop Crudo 北海道帶子刺身 ~ 北海道帶子刺身浸泡在綠色的甜酸青辣醬內, 更能提升帶子的鮮味, 醬汁有啲似輕盈版嘅泰式酸辣汁, 微酸、微甜、微辣, 好清新的香味, 帶子肉大大片, 爽滑微彈, 鮮度十足
Hanger ($328/400g)
牛扒用特製鐵板木盤奉客, 中間位置為貼板牛肉, 兩側是六款不同的醬汁供客人選擇; 酸辣香蔥汁、青辣椒醬汁、紅椒酸醋、芥末茄汁、辣椒茄汁及奶油。
5成熟的牛扒熟度剛剛好, 肉色紅潤, 色澤光亮, 血汁剛收, 因鐵板還有少許熱度, 需盡快食用, 否則會overcooked, 牛肉入口有炭燒風味, 焦香的牛油味非常強烈, 牛扒肉汁豐富, 肉質果然軟口嫩滑, 牛味濃沃, 牛扒本身已加了少許海鹽, 已經非常鮮味, 但我又唔介意crossover左酸辣香蔥汁及青辣椒醬汁伴食, 是有新鮮感的, 不過件牛扒還是原味道比較好食
Fries ($78)
朋友話話要食澱粉質才感覺飽肚, 便叫了這個厚大的炸薯條, 還放了溶點芝士及香草, 外脆內綿, 鹹鹹脆脆又飽肚。
LA PARRILLA STEAKHOUSE 值得一試, 佢嘅裝修環境一絕, 紅磚牆加木頂, 又grand又復古, 對住個同樣是紅磚牆的歷史建築~大館, 有種回到過去上流社會用膳的高貴上等人感覺。
Post
