不籽是咖啡 (文豪閣)

Open Now

Now Closed

之前經過西環見到【不籽是咖啡】好多人食同打卡，所以今次就去左另外油麻地分店試下。餐廳主打木系裝修，樓底高，位置唔算太逼，所以都幾舒服。叫野食同水都係要自己出去既。 黑松露忌廉芝士薯條：超級無敵香脆，唔只D醬、連薯條本身都灑滿黑松露，非常香濃黑松露既味道，正！ 龍蝦湯配牛油果大蝦稻庭烏冬：呢個係餐廳signature，見好多人都有叫，而且好少café/coffee shop有日式fusion菜叫，當然就試下啦。龍蝦湯自己加入碗入面，所以可以自己調整分量，或者可以留少少分開之後飲。蝦有4隻，牛油果有半個，有D沙律菜，但係烏冬分量比較少。不過都好特別，不錯。 北海道刺身帶子蟹籽忌廉扁意粉：分量好多，調味唔會太濃太heavy，蟹籽都好多，而且帶子好鮮甜。 Matcha Latte：比較遜色少少，抹茶味唔係太濃，無咩特別。 青瓜梳打：好少地方有呢個飲，好refreshing，而且唔會太甜，推薦。 不過個人覺得味精好似重手左，因爲之後比較口渴，同餐廳無厠所，要注意一下。