一門 (Closed)

一門同其他日式料理店唔同，除咗食壽司刺身之外，佢仲有好多fusion嘢食， 所以得閒同朋友都會嚟食佢。 佢喺銅鑼灣sogo對面， 十分方便。日本番薯沙律， 佢嘅日本番薯好甜，配沙律好fresh好好食。 海膽蟹肉牛油果卷， 上面鋪滿厚厚嘅海膽同蟹肉， 中間夾住牛蒡同牛油果， 脆脆嘅牛蒡配壽司飯，口感好特別。白身魚薄切， 新鮮嘅白生魚陪麻油豉油醬， 十分鮮味。A4和牛玉子卷， A4和牛鮮嫩多汁, 包住玉子燒, 估唔到十分match。玉子燒索咗和牛汁， 味道同層次都豐富咗好多。香草煮蜆意大利粉， 香濃嘅香草味配新鮮蜆肉， 配合得好好。蜜桃梳打， 味道好好，而且仲有黃桃肉喺梳打裏面，好好飲。海鹽荔枝梳打， 荔枝味濃而且有淡淡嘅海鹽 配椰果食，口感豐富。