沖繩二段料理 (荷里活廣場)

Open Now

Now Closed

荷里活廣場雖然係大但野食就唔係好多，係我地諗緊食咩好既時候就見到呢間沖繩二段料理，見到佢係主打上蒸沖繩特色主食，下煮芝士炊飯或濃湯烏冬就覺得幾特別就諗住去試下😻。當時都唔算太多人等位，只係等左15分鐘左右，入到去之後我地坐左係中間一個圓形既位置上，有啲逼坐得唔係咁舒服。呢個餐廳拎左飛之後可以事先用手機落定單，所以我地入座後啲野食好快就到👍🏻我就叫左芝士炸雞+濃湯烏冬，朋友就叫左蜜糖芥末炸雞+牛肉烏冬，一開始仲以為係會有兩層上蒸下煮既狀態送上黎，點知原來係分開🤔🤔不過味道都OK份量都多，冇乜特別，最後仲會有個海鹽焦糖冬甩🍩超好食！！不過話係冬甩但其實個口感似炸麵包，加埋雲呢拿雪糕同焦糖醬口味十分之夾👍🏻下次會試埋佢其他冬甩味，特別對紫薯好有興趣！