Aroma Thai Food

Open Now

Now Closed

嚟到一間位於太子嘅泰北料理餐廳。 人生未食過泰北菜，今日終於可以朝聖。泰國凍奶茶 $28今日天氣有啲熱，又着住長袖即刻叫咗杯凍嘅泰式奶茶。呢間舖頭好特別，用啤酒杯裝奶茶。大大杯，幾過癮。泰式烤豬五花肉 $58泰式烤豬五花肉燒得酥脆，醬汁偏甜。每一塊都帶有微微燒焦的香氣和豬肉嘅油香。泰式椒麻手撕雞 $65這道椒麻手撕雞醬汁香料非常特別，裏面有薄荷芫荽青瓜洋蔥同青檸，味道清新。雞肉肉質柔嫩入味。配合特製的椒麻醬，香辣適中。魚餅蝦餅 $48泰式清湯滷水牛金邊粉 $88這碗清湯滷水牛金邊粉湯頭味道有啲似泰式船麵，但係冇咁甜。裏面有兩大舊牛筋牛腩同埋牛肚，用料豐富，牛肉嘅香氣亦都滲透喺湯底裏面。泰北安格斯牛肋條金麵 $128店員上菜推薦我哋先將麵球壓碎，然後撈勻左右醬料先再食。醬汁份量足夠每一條麵條都有均勻鋪滿。特製醬汁食落濃郁，感覺似黃咖喱嘅味道，加埋麵球，酸菜同埋洋蔥碎個口感稍為豐富。牛肋條有三大條，紮實嘅口感同金麵的彈性相得益彰。