Thai Hungry (Closed)

今日去完黃埔探朋友途經這間泰式外賣店，覺得啲嘢食幾吸引，於是買啲返屋企加餸。串燒五串$80脆皮燒肉串賣相吸睛, 燒腩色澤均勻，肥瘦相間。咬下去，皮脆，肉質口感鬆軟，油脂甘香，肥而不膩。-牛（1串）-豬（1串）新鮮燒起嘅d串燒燒得火侯唔錯，豬同牛都唔會好乾，仍然有肉汁。而串燒嘅𩆜魂沙嗲醬好惹味，好香花生味。唐人街魚肚羹$60材料豐富，魚肚好多，厚身又大件，仲有豬紅同鵪鶉蛋，個湯羹仲有啲冬菇雞絲，清清地又好味嘅一個小食。玉泉青檸梳打$10 食串燒嘆凍飲，夏天真係好舒服。