四面泰泰式火鍋

Open Now

Now Closed

今日嚟到呢間泰式火鍋店，第一次食泰式火鍋，見到餐牌上面嘅食材，包括牛肉、海鮮、蔬菜等等。而最特別嘅係泰式湯底，由冬陰功湯底、泰式椰子湯底等等可以選擇。一坐低就會有一碟，泰式蝦片，新鮮香脆，好濃嘅蝦味，而且無限任添，食完一碟店員會問你要唔要refill？我哋兩個人一共食咗三碟，超正。見到餐牌好吸引，即刻叫咗一個「海鮮寶盒」，呢個寶盒好有睇頭，好名貴嘅感覺，入面放咗乾冰，所以不停有白煙慢慢飄出嚟，作用可以保持低溫去保鮮海鮮，而且影相打卡非常特別，店員幫你打開寶盒，感覺充滿仙氣。海鮮用料上乘，非常新鮮。海鮮包括鮮蝦、珊瑚蚌、鮑魚、白鱔片、生蠔、墨魚滑等等。生蠔手板咁大隻，好Juicy，好鮮味。另外叫咗一碟牛肉片，肥瘦適中，好香滑，容易入口。食物配合泰式椰子湯底，泰式風味，仲帶有少少酸味，好特別，而且令人食得好開胃。