泰嘟嘟

Open Now

Now Closed

今日來利奧坊商場對面一間泰國菜小店食晚餐，晚飯時間座無虛席，就算訂咗位都要等一陣先可入座，店內的佈置陳設好有特色，有霓虹燈同塗鴉牆裝飾。椰青🥥好大個好多汁，椰汁清甜，清新解膩，椰肉都好軟身，好容易刮到出嚟。泰式酸辣鳳爪沙律🥗無骨鳳爪爽口入味，配埋洋蔥絲同木瓜絲清爽解暑，酸酸辣辣十分開胃，辣味有後勁，會越食越辣🌶泰式經典明爐烏頭🐟呢個價錢食到呢款菜式都幾抵食，烏頭幾大條，新鮮多肉，湯底酸酸辣辣好惹味，下面放咗好多粉絲，吸收左魚嘅鮮味同湯汁👍🏻泰式辣椒膏炒花甲醬汁好香好惹味，少少辣多多咖喱香，花甲肥美新鮮，送飯一流😋整體來講，食物質素不錯，款式多，價錢合理；雖然舖頭比較細，枱櫈比較窄，但以小店形式來講幾有特色；店員親切有禮，小店經營顧客多人手少係會比較忙，大家都體諒。