祥利車仔麵 (西洋菜南街) (Closed)

港式車仔麵食得多, 港日式車仔麵就真係第一次食, E間位於旺角西洋菜南街嘅小店成日都好多人食, 今晚經過見唔算爆多人就一於入去試下, 佢地餸嘅款式幾多, 除左有港式平日會見到嘅餸, 仲會有日式嘅餸, 原來老闆係日本學過師, 所以想將車仔面元素加入日本拉麵文化中, 佢地嘅湯底同日本拉麵製法一樣, 都係用大量豚骨豬皮加配菜, 以十小時以上熬製而成, 認真講究, 車車同朋友就點左佢地嘅招牌九格定食同花膠車仔麵試下 🌟九格定食一上枱已經好震驚, 九格定食除左有9個餸仲有一碗飯同烏冬, 打卡一流, 佢地嘅飯仲要用番珍珠米, 九格入面包括豬手, 豬軟骨, 醉雞, 墨魚餅, 蘿蔔, 冬菇, 秋葵, 糖心蛋同花膠湯, 相當豐盛, E個set兩個人share食都可以, 豬手膠質豐富, 豬軟骨軟腍入味, 墨魚餅鮮味有咬口, 蘿蔔清甜無渣, 冬菇咬落超juicy又入味, 花膠夠哂厚肉, 煙煙韌韌有口感!🌟花膠車仔麵車車揀左油麵底, 花膠, 秘製魷魚同魚肉春卷3個餸, 原塊花膠勁大塊厚身超足料, 食完件花膠已經飽左大半, 魷魚爽脆彈牙, 魚肉春卷大大條唔油膩, 油麵吸哂d成碗腩汁湯, 整體味道不錯!