老長沙湘菜館

Open Now

Now Closed

聽湖南朋友講過佢家鄉菜重口味又重辣，一直想試試真正既湖南菜，上網搵到哩間新開無耐既老長沙湘菜館試下。店面簡潔，有包箱房間，當晚都見到一大班人係房度開茅台飲得興高采烈，好彩佢地房門隔音好，關左門唔會嘈到出面。大盤有機花菜 $88炒得好香辣辣地非常惹味，特別在有一d細細片既炸豬皮係入面，好邪惡但入口勁香又脆，哩盤菜一定要撈白飯😋糯米蒸排骨 $158第一次食依味餸，幾得意喎排骨肉汁滲左入糯米飯，加埋淡淡荷葉清香，排骨口感腍身彈牙，肉香突出無乜調味都夠哂味👍🏻潮式蠔仔烙 $188私心愛吃潮州蠔烙，哩個蛋香濃，但無蓋過蠔仔鮮味，煎到燶邊表面香酥，好食👍🏻食完重口味野飲啖熱茶，滿意👍🏻