Video
Read full review
2019-03-03
288 views
前兩年去東歐旅行，好多地方都係走馬看花，停留得最來的就係奧地利，印象中記得出名嘅係炸豬扒，但就冇乜機會發掘其他特色奧地利菜，反而最近朋友介紹咗一間酒吧餐廳 Prosit 俾我哋，係香港好少數主打奧地利菜式的餐廳。趁著朋友生日出嚟慶祝下，位於尖沙咀亞士厘道好方便，裝修走懷舊風格，木製格仔窗感覺置身歐洲小店。奧地利式煙肉火腿雞肉雜菜沙律 $148食主菜之前我哋習慣食個沙律先，賣相精緻而且色彩鮮明，重點在於想試吓奧地利式沙律是怎麼樣的。脆口的煙肉、火腿、雞肉口感嫰；雜菜沙律特別在有好多椰菜絲、生青/黃/紅椒絲，口感變得十分爽。紅色嘅沙律醬汁帶點微辣，惹味又刺激。德國香脆鹹豬手配酸椰菜及烚薯 $243一提起德國真係唔可以唔食佢嘅鹹豬手，我哋喺德國食個濕嘅豬手，始終覺得食乾身香脆嘅比較適合我哋口味。德國香脆鹹豬手味道充滿鹹香，肉質結實但唔會好乾，豬手皮確實係香脆都聽到聲，食得出嘅骨膠原感覺，滋味得很！配酸椰菜更有地道特色，烚薯真係好耐都未見過，口味較清淡，中和返豬手嘅油膩感。Sex on the beach $65香甜得來帶點酒味，happy hours 抵飲！地方雖小五藏俱全，有餐檯或坐Bar
特色奧地利菜，反而最近朋友介紹咗一間酒吧餐廳 Prosit 俾我哋，係香港好少數主打奧地利菜式的餐廳。
趁著朋友生日出嚟慶祝下，位於尖沙咀亞士厘道好方便，裝修走懷舊風格，木製格仔窗感覺置身歐洲小店。
奧地利式煙肉火腿雞肉雜菜沙律 $148
食主菜之前我哋習慣食個沙律先，賣相精緻而且色彩鮮明，重點在於想試吓奧地利式沙律是怎麼樣的。脆口的煙肉、火腿、雞肉口感嫰；雜菜沙律特別在有好多椰菜絲、生青/黃/紅椒絲，口感變得十分爽。紅色嘅沙律醬汁帶點微辣，惹味又刺激。
德國香脆鹹豬手配酸椰菜及烚薯 $243
一提起德國真係唔可以唔食佢嘅鹹豬手，我哋喺德國食個濕嘅豬手，始終覺得食乾身香脆嘅比較適合我哋口味。德國香脆鹹豬手味道充滿鹹香，肉質結實但唔會好乾，豬手皮確實係香脆都聽到聲，食得出嘅骨膠原感覺，滋味得很！配酸椰菜更有地道特色，烚薯真係好耐都未見過，口味較清淡，中和返豬手嘅油膩感。
Sex on the beach $65
香甜得來帶點酒味，happy hours 抵飲！
地方雖小五藏俱全，有餐檯或坐Bar檯一樣舒適。 我們當晚滿座，大部份都是朋友聚會，如果一大班人仲可以包場添！
Post
