Prosit Bar and Restaurant

Open Now

Now Closed

假日，去左尖沙咀睇Cosplay表演，之後到左亞士厘道一間主打德國及澳地利菜的樓上店，餐廳的環境擺放了多支結他，裝修擺設都好有格調。在星期六、日晚上8點後，還有樂師吹奏經典的情歌，提供一個Live music的環境，令人心情愉悅放鬆。👫🍽️🇩🇪🇦🇹🎸🪈🎼✨ Shirley Temple（$72），呢一間店同時也是一間樓上的酒吧，提供多款酒品的選擇。不過我就選Mocktail無酒精的飲品。味道是薑汁汽水加檸檬汁再溝了一櫻桃汁，既清新又帶一點甜味。🍸🍹🥃🧊✨ Roasted Pork Knuckle（$288），其中德國鹹豬手是餐牌上的廚師推介食品。整份豬手送上枱時，已經將豬手去骨，切做一片片，方便容易食。豬手的外皮烤得好脆，應該是用上了黑啤傳統的方法醃鹹豬手，令鹹豬手的肉質更加軟嫩，帶有啤酒的甘香味道，豬手點上黃芥末醬味道更香。周邊還配有酸椰菜、什菜沙律和烚薯仔，尤其酸椰菜非常醒神開胃。🐷🔥🥗🥔✨ Fish and Chips（$185），這裡的炸魚和薯條色澤炸得金黃酥脆，魚柳外脆內嫩，味道都唔錯，整份食完都幾飽。🐟🍟🌟 店員姐姐很好客，提議我地下一次黎之前，記得先在Openrice訂座，

呢間喺尖沙咀🚇嘅 Prosit Bar & Restaurant 酒吧餐廳🍴係香港少有嘅德國奧地利風格酒吧🍻餐廳，而且有時仲有 Live Music 🎶添。入邊裝修用咗🇩🇪歐洲小木屋風格，感覺溫暖舒適☺️，加上掛滿唔同款式嘅結他🎸，配合返佢哋有 Live Music 嘅特色，好似去咗歐洲地道🍸小酒館咁樣。另外佢哋仲有🍺啤酒、雞尾酒 🍹Free Flow，都只係 $259 💰起，真係啱晒好酒😝之人。呢期佢哋仲有個🇩🇪德國啤酒節優惠套餐🍽️，$268就有一份德國🐖鹹豬手拼香腸同埋兩杯 Erdinger 生啤🍻，真係十分之抵食！鹹豬手個皮🤩好脆，肉厚得來鹹香十足👍又唔會太肥，仲有雙色香腸、🥔烚薯、沙律🥗同埋酸菜，充滿德國🇩🇪風味，配埋啤酒🍺一流啊！🔥炸魚薯條都幾有驚喜，份量十足勁香脆，而且🐟魚肉超級嫩滑，好食過好多我喺🇪🇺歐洲食過嘅炸魚薯條多多聲。另外佢點🍟薯條個茄汁有少少酒香，食起上嚟都幾🤤特別。最後我仲發現🧐係 Openrice 訂座，消費滿💰 $450 可以半價享用🇩🇪「德國鹹豬手」或者🐖「雜錦腸拼盤」添！

我和女朋友在聖誕節提前預約並預付聖誕套餐，等上菜時便打開手機遊戲玩下，竟然老闆走過來跟我們說：唔好玩咁多電話 我哋趕住要交枱. 搞錯啊待客之道？唔知係見我哋看上去比較後生定點覺得我哋係會坐幾個鐘？反正語氣不友善 後來每次上菜佢哋返到Bar枱都啤住我哋；我們只坐了45分鐘 無他 食物又唔靚 又失大體其實主要唔妥都係態度差 聖誕節大餐，諗住食物都算啦，都係睇氣氛嘅啫，鬼知個店員會走過來叫你哋咪玩電話 仲要話趕住交枱唔好坐咁耐，大佬提前俾咗錢就真係唔使俾人當係客人 我都未話佢D嘢食難食…即係講真，我又唔係坐幾個鐘唔走，咁當食飯一個半鐘兩個鐘？我哋45分鐘就走咗啦 與其話食得快應該話唔想俾人哋啤住啦 我同女朋友成30歲人都係第一次俾人企喺吧枱後邊喺度指住喺度議論 即係我哋望落去後生就得罪咗佢聖誕節食到咁真係第一次次都係搵返去開嘅餐廳（係所有麻煩客會做嘅，我哋都冇做，坐低唔點菜，咁係因為我哋已經提前俾咗錢佢哋上菜咁梗係唔會睇菜單啦，點知人哋上菜嗰陣就叫你唔好玩電話 話要趕住交枱，其他入嚟嘅又唔見佢哋咁樣同佢講，所以唔好同我講話係溫馨提醒，佢哋個眼神＋講嘢嘅語氣同埋背後議論依樣嘢已經代表咗俾人歧視

隱匿於香港尖沙咀亞士厘道的Prosit Bar & Restaurant，獨特風味，一試正宗脆口嘅德國烤豬手。Roasted Pork Knuckle with Sauerkraut & boiled potatoes 德國烤豬手，德式酸菜德國烤豬手堪稱肉食愛好者的福音。精選豬肘，經醃制入味後，送入烤箱慢烤。外皮烤至金黃酥脆，油脂滋滋作響，每一口都 “嘎吱” 生香。內裏的肉質鮮嫩多汁，入口即化。搭配上酸香開胃的德式酸菜，解膩又提味，再佐以軟糯的煮土豆，口感豐富，是一場地道的德國風味盛宴 。Pan fried potatoes 煎薯仔煎薯仔，簡單卻充滿魅力。將土豆切成均勻小塊，放入熱鍋中煎制。隨著油溫升高，土豆逐漸變得金黃，外皮焦香，內部綿軟。咬下一口，先是焦香的外殼帶來美妙口感，隨後土豆的香甜在口中散開，綿密細膩，撒上些許鹽粒或黑胡椒。

今日就同朋友去咗Prosit Bar and Restaurant餐廳主打德國及奧地利菜，環境裝修好有格調, 放左唔少嘅樂器,週末夜晚仲有live music表演, 幾有氣氛, 仲有多款特色酒品, 食物方面有唔少特色嘅德國菜選擇, 做法正宗特色燒春雞配薯菜半隻燒春雞嘅份量, 春雞外皮燒得香脆,雞肉好容易就可以撕開, 沙律菜清爽開胃香煎龍脷柳配烚薯原條龍脷柳外層煎到金黃香脆,食落唔油膩，調味剛好突出到龍利柳既魚味, 伴碟既薯仔口感實在

假日，去咗尖沙咀睇Cosplay表演，之後去咗間主打德國及澳地利菜嘅樓上店。餐廳環境擺放咗多支結他，裝修好有格調，入門口就感受到90年代嘅西式風格，仲播英文舊歌，氣氛幾好🎸🍻。我試咗德國香脆咸豬手配酸椰菜及烚薯。隻豬手🐷好大，皮脆肉嫩，雖然略鹹，但搭配清新酸爽的酸菜絲，正好中和肉的油膩。旁邊有兩舊軟糯的烚薯仔🥔同沙律生菜🥗，口感清脆，叉子輕敲都有脆感，食落好滿足。仲有火腿芝士腸，脆皮芝士腸味道濃郁，一咬下芝士醬溢出，開胃又刺激食慾，伴酒一流🍺。

德國香脆鹹豬手配酸菜及烚薯豬手嘅份量好多，個皮炸到脆卜卜，一切開都仲見到豬手入邊有唔少嘅肉汁，口感非常煙靭有咬口，而且我好欣賞佢個鹹豬手唔會太鹹，調味係啱啱好😋，食到有啲膩嘅時候配埋個酸菜一齊食，真係Perfect match，呢個絕對係店舖入邊一個必點嘅菜式！😆匈牙利牛肉湯碗牛肉湯入邊有好多蔬菜，都食到甜甜嘅洋蔥味同蕃茄嘅酸味😋，而且湯入面都有三舊牛肉，份量一啲都唔少，如果平時都鍾意飲羅宋湯，呢個湯都好適合去試一試😄慕尼黑香腸外型十分可愛，白白胖胖的，入口帶有鹹香，並且一切開就有肉眼可見嘅肉汁流出，肉質彈牙唔會霉晒😳👍🏻老晗呢間鋪頭啲香腸全部都係由德國直接進口的，有機會要試晒個香腸拼盤☺️❤️

Prosit Bar & Restaurant乃是尖沙咀蠻有特色酒吧餐廳之一，不單是裝潢懷舊，像回到七十年代，而且菜式更有香港少見的奧地利菜，當然也有港人熟悉的德國菜，是不少外國客或熱愛德國菜的食客聚餐好去處。德國香脆咸豬手配酸椰菜光看賣相就加分不少，Prosit Bar & Restaurant的德國香脆咸豬手皮屬於有脆度而且不刮嘴，拿叉子輕敲挺有脆感，另外豬手醃得鹹度剛好，重點是脆皮下的那個膠質充滿膠原蛋白。德國香脆咸豬手沾上芥末醬，入口的肉香真銷魂，再大啖酸爽的酸椰菜，當下超有下班後過真正人生的幸福感。德國香脆咸豬手嫩嫩的豬肉嚐起來不乾口，亦不油膩，我和朋友極速把這碟德國香脆咸豬手配酸椰菜清盤。牛油杏片煎比目魚烚薯如剛捕撈上岸鮮美，當牛油脆片遇上香嫩新鮮的比目魚，香煎火候掌握到位，外脆內嫩，加上檸檬汁調和，使魚肉鮮上加鮮，牛油杏片煎比目魚讓人愛不釋口，伴上爽脆的沙律菜及烚薯，呈現大地滋味，吃完大呼過癮。朋友喝1664 Blanc，至於不喝酒的我則喝Pineapple Juice，喝Pineapple Juice，吃德國香脆咸豬手配酸椰菜及烚薯最適合不過，Pineapple Jui

啱啱12月，有聖誕又倒數，成個月都不停約朋友聚餐，其中一間就係呢間奧地利菜。朋友揀呢間餐廳揀得好好，餐廳個vibe好節日feel。食食下突然間現場有人吹色士風，即是變得浪漫又有feel，所以呢度都好適合情侶嚟。食物方面，奧地利菜同德國菜差唔多，都係食豬手同香腸呢啲。Pan Fried Halibut in Butter & Almonds ($225)比目魚煎香左好香口，仲有杏仁片，多左一份口感，配菜有薯角同沙律。Roasted Spring Chicken served w/ Fries and Vegetables ($188)半隻燒春雞，飲住啤酒咁食就最正，配埋薯片唔怕唔夠飽

5人行的午餐1. 未齊人時叫侍應斟杯水，侍應喺吧枱斟咗幾杯水杯裝的水俾我哋，之後我哋想添水，個餐廳負責人嬸嬸開咗枝水俾我哋，如是者一直添水、一直開水。結果賣單我哋飲咗5舊水的水，佢開枝裝水俾我地每枝盛為$65，共開8枝。由頭到尾冇主動同我哋講枝裝水幾錢，亦擅自由起初免費斟俾我哋的水轉為收費的枝裝水，酒店都會同你講聲水幾錢啦，完全係存心掠水。2. 豬手塊皮係咬唔爛的，亦都冇乜肉，係我食過最差嘅豬手永世不會再幫襯

行過尖沙咀，朋友介紹左一間德國菜餐廳，位於商廈一樓，位置都幾隱秘，一入門口就比佢90年代嘅西式環境吸引，入面有唔少啤酒杯裝飾，仲播英文舊歌，都幾有feel。餐廳主打德國菜，亦都有其他西餐選擇，不過一場嚟到緊係揀德國菜最signature嘅豬手同埋香腸啦。德國鹹豬手上碟時已經切開左，幾方便食，唔洗自己切。皮非常脆，肉質都幾結實，而且偏鹹，都幾適合送酒，另外仲有鹹酸菜、沙律菜同薯仔做配菜中和返。而紐倫堡腸有五條，味道唔錯，腸都幾juicy，好有肉香，而薯粒都好惹味，相當唔錯。埋單400幾，都幾抵食，而且坐得舒服！

這是一間不算起眼的西餐廳 ，要不是舊同事提出我也不知有這種不錯小店。餐廳空間不大，不過看出走溫馨感。是日沙律，菜很鮮甜，味道不錯，作為前菜很適合不會太過或油膩。叫了牛尾湯，挺大一碗可二人分。湯很香濃，夠濃郁！吃德國菜當然要吃豬手，皮超香脆，肉也是咸香十足，很惹味。好味然後點了虎蝦天使麵，蝦會炸過很香，配上蒜香辣椒味超讚，大推。中途有人表演色士風，很棒。想不到吃飯也有音樂表演。甜點當然要有，蘋果批好好吃超香脆又不會太甜又香口，超正。另外叫了兩杯酒也是不錯這間店味道好，氣氛也不錯可再來

在OpenRice 訂座聲稱全單5折優惠但最後就話係另一優惠(豬手/香腸拼盤半價)食物其實都唔太差豬手少少咸，但酸菜夠酸仲有叫湯同香腸拼盤，同埋嗌咗杯白酒湯係真材實料嘅食得出用咗好多牛肉去煲香腸拼盤有四五款腸仔都有特色但餐廳經營手法唔老實係唔要得無同店員爭拗但唔會再去唔係話呢個價錢接受唔到但你喺網上搞優惠引人去最後就只會氹到人去一次阿士厘道大把其他選擇現場客人疏落唔係無原因唔係唔想支持本地餐廳但歷史悠久都係咁話失望

聽聞尖沙咀有間好特別嘅德國酒吧兼餐廳😮，決定上去一探究竟，結果去到門口就驚喜連連🎉，門把手係一把吉他🎸，入邊啲裝修設計真係好似去過歐美國家咁😆，有上世紀音樂發燒友風格之餘，仲好似置身80年代嘅香港咁，喺個窗望出去帶有霓虹燈光影🎞，打卡或者拍拖都勁有氣氛👍，有卡位都有吧檯。～特色燒春雞配薯菜🍗🍟廚師推薦嘅主菜之一，原隻即燒，唔係連鎖餐廳嗰啲微波爐燒雞，咬落去外皮酥脆，肉質幹身，適合做送酒菜，味道香到不得了，師傅有啲料到🥳。值得一提係，佢餐廳隻茄汁同平時食開嗰隻有啲唔同，酸味略蓋甜味，好特別🤗～德國香脆咸豬手配酸椰菜及恰薯🍖🥔呢個聽聞係必定主菜，一入嚟都俾佢張大大poster吸引🤤，師傅會幫手切碎上同埋分好皮同肉，德國鹹豬手嘅特色就係一個人食真係未必食得曬，仲要啲金黃色外皮應該係我食過豬手入邊最脆嘅一次👏🏻，肉質都多汁同好有質素。另外配菜嘅酸椰菜好特別，真係好似去咗德國咁✈️。喺尖沙咀就可以體驗到呢種咁特別嘅異國風情🇩🇪，同埋都好多外國人會喺度傾生意聚舊，佢哋話二十年前已經嚟過，無論遊客或者本地人都應該幾中意呢間餐廳俾人嗰種時光倒流嘅感受。🌃

喺尖沙咀尋到一個歐洲風情的秘密基地！🍽️🎸位於亞士厘道的Prosit Bar & Restaurant，呢間樓上店主打德國同奧地利菜，裝修有歐洲小木屋嘅感覺，牆上仲掛滿結他，絕對有格調！😍🇩🇪🇦🇹星期六、日晚8點後仲有live music🎶，吹奏經典情歌，令人心情愉悅放鬆～🥰推介佢哋嘅特色燒春雞配薯菜🔥🐥🥔($188)表皮燒得香脆，雞味濃郁，有油香又香口，骨唔多，啖啖肉😜 不過如果可以juicy啲就更加完美～ 配菜有熱辣辣嘅粗身薯條🍟，外脆內綿，沙律生菜更加清新爽脆🥗。仲有香煎龍脷柳配薯仔($198)優雅昇華你嘅味覺之旅😋！屹立尖沙咀48年，絕對唔係浪得虛名，嚟試過就知喇！🍻🍸#尖沙咀美食 #德國菜 #奧地利菜 #prosithk