火山燒 (Closed)

📍荃灣 《火山燒》   #特色石燒牛經過見到火山燒有石燒牛同蛋包飯都幾吸引，又見排緊隊就諗住試下，排咗一陣就入得。可以自己玩燒牛肉，入到餐廳就會聽到石板燒肉滋滋既聲音，已經吸引左我要試一個石燒牛✨聖安娜安格斯 封門柳$228上菜前店員會提供圍裙，避免燒牛肉個時油會彈到件衫，幾貼心！👍🏻 牛肉要自己石燒，見好多人推介封門柳，300g份量其實好多，一個人200g都夠食，可以因應自己鍾意嘅生熟程度黎燒，封門柳嘅牛味幾濃，唔會太韌，燒完都仲幾juicy，個人中意燒熟少少有燶邊既口感😍 ✨蒲燒雙層日本鰻魚忌廉滑蛋珍珠米丼 $98珍珠米丼好大碗飯，而且珍珠米做到粒粒分明，雙層日本鰻魚好厚身，燒到好香口，口感爽脆。忌廉滑蛋處於半熟狀態，而且有蛋味，不過覺得個汁偏甜左少少，但整體都好味。+29仲可以加套餐，有湯，炒雜腸，沙律，性價比好高✨彩虹棉花糖特濃朱古力 $35無過甜，朱古力味重，賣相非常漂亮，有好多棉花糖係面打卡一流✨炭培烏龍茶玫瑰海鹽奶蓋 $35烏龍茶茶香濃，溝埋玫瑰花香味幾清新，都有陣陣海鹽味，奶蓋綿滑味道：𝟖/𝟏𝟎   性價比： 𝟖/𝟏𝟎