Video
Read full review
2022-08-23
70 views
今日黎銅鑼灣，lunch想食一間好食既中菜，就上左時代廣場10樓搵食，見到呢間粵藝館好似好正咁，一於入去試下中菜！🥰入去好快侍應就帶我地係一張好闊落既檯度坐，非常舒服，周圍裝潢都好典雅，味覺同視覺都係享受！😍咁我地都開始叫野食，佢最出名既係「即燒無花果天下第一豬」，當然要試下！😆黎到真係嘩一聲，係藝術品黎！砌得好工整，每一塊一樣大細，而且色澤同皮肉比例都係非常均勻！食入口，嘩！又香又脆，外皮脂肪同肉都係一流品質，唔怪得係招牌菜！🤪既然係中菜，當然要叫Ｄ點心！我地叫左干蒸牛肉燒賣，有4件，每一粒既牛肉都好彈牙，亦唔會太乾，易入口好好味！😛另外我地叫左豚肉小籠包，有2件，大大粒，皮薄餡靚，咬入口Ｄ湯汁流入口，又甜又香濃美味！😋😘當然都叫Ｄ特別少少既點心啦，呢個香煎辣味蘿白糕有4件，係加入左麻辣既，每一啖都好惹味，而且一Ｄ都唔粉，好足料！😚我地仲叫左個「爆米蜆介鯪魚球」，有6件，係鯪魚球外面加上好多米通，所以好香脆好有口感！再點Ｄ蜆介醬，酸酸甜甜好惹味！😝最後黎左個「瓦灼唐生菜」，本來以為係普通生菜，點知黎到大大煲之餘，仲熱辣辣，打開就見好多棵仲灼緊既生菜，侍應介紹話係會比一般既爽脆，食落口
今日黎銅鑼灣，lunch想食一間好食既中菜，就上左時代廣場10樓搵食，見到呢間粵藝館好似好正咁，一於入去試下中菜！🥰
入去好快侍應就帶我地係一張好闊落既檯度坐，非常舒服，周圍裝潢都好典雅，味覺同視覺都係享受！😍咁我地都開始叫野食，佢最出名既係「即燒無花果天下第一豬」，當然要試下！😆黎到真係嘩一聲，係藝術品黎！砌得好工整，每一塊一樣大細，而且色澤同皮肉比例都係非常均勻！食入口，嘩！又香又脆，外皮脂肪同肉都係一流品質，唔怪得係招牌菜！🤪
既然係中菜，當然要叫Ｄ點心！我地叫左干蒸牛肉燒賣，有4件，每一粒既牛肉都好彈牙，亦唔會太乾，易入口好好味！😛另外我地叫左豚肉小籠包，有2件，大大粒，皮薄餡靚，咬入口Ｄ湯汁流入口，又甜又香濃美味！😋😘
當然都叫Ｄ特別少少既點心啦，呢個香煎辣味蘿白糕有4件，係加入左麻辣既，每一啖都好惹味，而且一Ｄ都唔粉，好足料！😚我地仲叫左個「爆米蜆介鯪魚球」，有6件，係鯪魚球外面加上好多米通，所以好香脆好有口感！再點Ｄ蜆介醬，酸酸甜甜好惹味！😝
最後黎左個「瓦灼唐生菜」，本來以為係普通生菜，點知黎到大大煲之餘，仲熱辣辣，打開就見好多棵仲灼緊既生菜，侍應介紹話係會比一般既爽脆，食落口果然非常新鮮同脆口！再淋上Ｄ鹹鹹地既鹹魚汁，非常之驚喜同好味！🤩🥳
Post
