菠蘿仔食堂美食車

Open Now

Now Closed

一直好想試呢架美食車，今日去到ocean park，終於有機會啦！首先當然要試試得獎的忌廉菠蘿包啦！麵包拎上手係微暖，太熱菠蘿會酸而忌廉亦有機會溶，溫度剛剛好，仲清楚見到忌廉靚靚啫花。包身尚算鬆軟，脆皮雖不及其他專做菠蘿包嘅茶餐廳，但總算夠脆，水準亦屬中上。菠蘿味忌廉唔膩，唔太多唔太少，份量剛好，連平時食蛋糕要走忌廉嘅我都食晒，配搭新鮮菠蘿，味道好夾。試埋菠蘿漢堡包，呢個就同想像中味道差不多，好味但冇驚喜，如果要比較，咁當然係華嫂冰室嘅招牌菠蘿包好味d啦！不過菠蘿仔果然冇令我失望呀，大滿足！