菠蘿仔食堂美食車

Open Now

Now Closed

美食車喺西九龍文化中心聽歌嘅時候難免會有好肚餓嘅時刻喺肚餓嘅時候竟然有見到一間美食車入邊仲有好多嘢揀上次去嘅時候好多嘢都賣晒飯同麵都賣晒啦今次美食車老闆準備食材充足，想食嘅小食例如燒賣同魚蛋都有得賣～～～～～～～～～～～～～～～～～～～～～～～咖喱魚蛋比較腍，咖喱味唔算話太突出燒賣識落唔似魚肉燒賣味道一般般加上豉油同埋辣油味道相對會好少少叉燒煎蛋公仔麵同肥牛公仔麵，公仔麵口感軟硬岩岩好，肉類同煎蛋味道都唔錯。

菠蘿Pizza一直都係我嘅至愛，見到呢間鋪頭竟然有真·菠蘿包，緊係要試一試😆呢個鮮忌廉鮮菠蘿包賣$30，一攞上手熱熱地，應該係烘過、想做到冰火交融嘅效果🤩點知咬落去嗰吓發現好難咬開，面頭真係好乾好硬，直情係咬開嘅時候會有”扑”一聲，但又唔係外脆內軟，因為入面都好乾💩好彩啲菠蘿都幾鮮甜多汁，不過忌廉真係有啲少，仲溶咗唔少落下面塊包，搞到個底好濕好淋😗呢間餐廳以菠蘿做餐廳名，又有一系列菠蘿包食物，本來以為係信心保證，點知連包底都令人失望🥺

2017年初美食車引入香港，經過2018、2019、2020、2021、2022，三屆政府，社會幾許變遷，已滿6年。一直被視為美食車領頭羊的這輛，現在位處西隧巴士轉車站旁的偏辟處，究竟有何長處令其一直客似雲來？C餐鮮忌廉菠蘿包加飲品，第一個印象是菠蘿夠大，一口一口咬下很有滿足感。菠蘿包新鮮熱辣，但忌廉就冇乜忌廉味。總而言之，抵食夾大件。係咪好好食就唔係啦，但也不難食。熱華田就是標準茶餐廳水準。38元一個餐是否便宜？只能算中規中矩吧。相比日式漢堡包店50元一個餐是便宜，但茶記一份奶油多加熱飲22元起錶，只不算便宜。跟天誠冰室淵源甚深的菠蘿仔，或許是最貼近茶餐廳的美食車，也許這就是它較受歡迎的原因。

其實一向都好支持本地美食車的，即使美食車嘅價錢的確係比較貴都好，但我都仍然好樂意光顧的.....呢日碰到了菠蘿仔嘅呢架美食車，又咁岩好想食公仔麵，最後就決定係呢架美食車度買左兩碗公仔麵加一份燒賣拎走醫肚喇.....記得好似以前都幫襯過呢架美食車，為何水準好像每況越下似的....可能我真係唔應該買公仔麵，應該買返菠蘿包會穩陣D.....買左一個牛肉公仔麵同腸蛋公仔麵，分別都係$38，但公仔麵真係好麻麻....另外仲叫左份燒賣，價錢$20，味道都是好麻麻，全部盛惠$96。

很久沒有來尖沙嘴，不知道原來星光大道上多了幾輛美食車。其中有一架外形很可愛，叫菠蘿仔食堂。原來主打就是各式各樣的菠蘿包。菠蘿包一直是我最愛的港式麵包，看見新式的菠蘿包就忍不住要試一下。🍽忌廉菠蘿包我們剛剛吃了午飯，不太餓，所以只叫了一個招牌的忌廉菠蘿包試。裡面有菠蘿味的忌廉和貨真價實的鮮菠蘿粒！菠蘿包比較硬身，不是那種鬆軟的，因為要放入其他配料，太軟的會很容易散掉。菠蘿包配上忌廉和菠蘿粒非常清新，夏天吃有消暑的感覺，吃完立刻透心涼。想不到這個美食車也能帶來驚喜呢！

朝早行過市廣埸見呢間嘢有幾個人等外賣，好奇埋去睇下，見舖面整得幾靚，餐牌啲相影得都唔錯。貪過癮買咗個菠蘿油，忌廉菠蘿包，兩杯凍啡走甜。 落單嘅，整嘢食嘅都係幾陽光下，幾好笑容，幾有禮貌嘅候生仔女，幾醒神。店外打點嘅成熟經理個樣好認真。可能新店！攞完外賣，輕輕碰下個菠蘿油……凍嘅？正式試下。oh no, 杯凍啡唔係好飲，個菠蘿油又凍又硬，完全無香港茶記菠蘿油應有嘅味道…直啲講係一般茶記都不如…加忌廉嗰款又唔見得好食上開飯喇search下，至知菠蘿仔原來係政府之前推出嘅外賣車之一，如果用咁嘅品質推廣香港本土美食真係會有反效果……只有包裝，全無內涵

今天到中環海濱的香港國際龍舟節盛會，除了人造沙灘外，亦是美食車大集會。無奈天氣炎熱，食慾不振，只想有冰凍飲品，即時降溫解暑。看到飲品的餐牌，先剔除熱辣辣和添加奶類的飲品，然後再減去常見的凍飲，就剩下＜鮮菠蘿冰＞。　看到新<鮮菠蘿>，就覺得很健康。　　夏日炎炎，讓人胃口全失。而酸酸甜甜的新鮮菠蘿肉有特別的酵素，除了幫助消化，同時也可增進食慾。加上餐牌的圖片十分吸引，忍不住要來一杯了！視覺：手中的鮮菠蘿冰，菠蘿份量跟餐牌一致。杯邊凝結的水珠，形成霧面，看得到的冰涼。手感：凍飲當然是凍冰冰！以膠匙撈出菠蘿肉，每件菠蘿剛好一匙的大小，方便舀出。　口感和味道：果然是新鮮菠蘿，黃色菠蘿肉纖維明顯，口感很實在。雖然這凍冰冰的特飲，肯定會加入糖水，但仍然嚐到鮮菠蘿本身的酸中帶甜，甜中帶酸，不是罐頭糖水浸菠蘿只得死甜。消滅新鮮菠蘿後，還有杯內凍冰冰的透明液體和大量的冰。一於唔飲住，留在杯中，保持凍冰冰的手感，就是簡單的冰袋。　

美食車是近年香港最流行，最多人討論的新聞話題。政府為了推廣本土飲食文化，於是在施政報告提出「美食車」 的先導計劃，發了若干數目的牌照給，有意在香港經營美食車的本土食店，讓他們發展流動美食車的生意。可是我跟美食車的關係，這麽近那麼遠。上次我曾經想找尋另外一部的美食車，名稱叫做「七桌X（樺X園）」。我翻查開飯網的相關資料，發現那部美食車，可能在觀塘海濱公園的場地「觀塘起動」擺檔營業。結果我千里迢迢，從西貢坐車趕到觀塘海濱的「觀塘起動」，說好的「七桌X（樺X園）」美食車沒有像預期般出現。我一個人在「觀塘起動」癡癡地苦等了一個小時，最後還是跟美食車緣慳一面。但是，我始終還是未能對美食車死心，後來我還是再次踏上尋找美食車的旅程，展開「尋找美食車的故事」。今次我要找的是，位於尖沙咀「梳士巴利道」旁邊，近着天星碼頭的「菠蘿仔食堂美食車」。皇天不負有心人，終於都給我有機會遇上，見識到傳說中的美食車，「菠蘿仔食堂」蘆山真面目。「菠蘿仔食堂美食車」的規模比我想像中來得完整，美食車外還掛着資料很完整的餐牌，顯示「菠蘿仔食堂」有什麼食品可以提供。「菠蘿仔食堂」美食車本身已經安裝，裝置了金屬摺檯，方便「菠蘿仔食

(美食車地點: 迪士尼樂園) "鮮忌廉菠蘿飽" 好似係呢部美食車的主打食品, 諗住一場入到去迪士尼, 不妨試一試佢地呢個菠蘿飽, 點知我全程只能不斷用一個字嚟形容呢次進食經歷 "伏"。呢個 "鮮忌廉菠蘿飽", 只係一個普通菠蘿飽, 中間夾左幾塊 "真菠蘿", 同埋鮮忌廉。本身 "菠蘿飽" 和 "真菠蘿" 其實唔係好夾味, 食落去真係有d怪, 真係唔值得賣$23呢個價,  唔怪知得曾俊華都講過話$20一個菠蘿飽有d貴, 建議佢地減價平民化。如果佢地係間鋪頭, 以呢個價錢, 賣呢個水平的食物, 應該唔會做得住。不過佢地做美食車做遊客生意, 應該會有多少少不知情的遊客大d機會 "中伏"。如果你睇到呢篇食評, 盡量唔好試呢個  "鮮忌廉菠蘿飽"  喇, 或者可以試下佢地其他食品, 或者ok, 不過我未必有機會再試, 除非你住係美食車出沒地點附近、或者係附近返工, 一般人都未必會經常 "遇" 上美食車。

週末同小朋友一起去迪士尼玩耍，在樂園外給我們遇見了美食車。大大的菠蘿包照片在易拉架上，說明了是$20一隻，吸引到我們停下腳步來，看看，這一家《菠蘿仔食堂》。這是我們在香港第一次接觸美食車，感覺很是新奇。這一檔，買包為主，是菠蘿包夾上忌廉同真正的菠蘿片。賣相吸引，價錢剛睿過了，是極吸引。於是，我們一人一個包。包子，是傳統的菠蘿包。把包子切開，夾了菠蘿碎粒，夾了香軟的忌廉，又香又甜。我們雖然是一人一個，但吃好後有立即想翻尋味的感覺。於是，玩完一天的樂園後，我們決定每人再食多一隻。玩完一天，大家都有點口乾，所以另叫了一杯菠蘿冰。菠蘿冰夠甜，也夠凍，當然，成杯都是菠蘿粒令人興奮。輕輕的初體驗，的確是不錯，這一間《菠蘿仔食堂》，有得做啊。

今日同男朋友喺文化中心睇完表演之後行出嚟見到有間美食車，便好奇去看看到底是賣什麼的發現原來係咪菠蘿包嘅漢堡包，同埋有好多關於菠蘿嘅產品例如飲品和甜品見幾得意就叫咗個菠蘿豬扒包同埋一杯菠蘿冰飲品杯菠蘿冰好足料！菠蘿非常之多而且好甜，同埋肯定唔係罐頭菠蘿嗰晚成30幾度夜晚悶熱嘅天氣飲一杯菠蘿冰真係好消暑！而個菠蘿豬扒包都係有塊菠蘿圈裏面嘅，個豬扒一啲都唔嚡，整體來講都好夾，好清新，原來甜同鹹都可以好食～雖然其實如果話平就唔平架啦，個菠蘿冰＄23，而個菠蘿包就要40幾蚊，但係叫做支持下依啲本地嘅小食店，個菠蘿包係熱辣辣嘅唔係凍冰冰嘅❤️❤️❤️❤️作為夜宵呢個其實係一個好選擇！熱辣辣又快又飽

端午時節，響中環新海濱摩天輪附近就有3日限定的香港龍舟嘉年華。而最特別的，就是14架美食車齊集於新海濱地方讓所有的香港市民及遊客可以一次過享受所有的特色小食而不用周圍尋找了﹗在嘉年華門口就擺放了每架美食車的店長推介，讓大家可以排隊購買前可以率先考慮一下~而當中，首先令我響起腹中肚餓的訊號，就是這家菠蘿仔食堂了﹗單是餐單的選擇就已經是以菠蘿為主打，而其實小弟在排大隊(真的，單排隊已經10分鐘了)的時候，前面已經不斷有龍舟的參加者購買冰涼的菠蘿冰及冰菠蘿作消暑之用，這種水果在今日嘉年華的場合絕對大派用場吧﹗ 不過既然難得看到這麼多的美食車，就當然要試試美食車的得獎之作 - 鮮忌廉菠蘿飽﹗10分鐘過後，鮮忌廉菠蘿飽就到手了﹗當我還以為只是普通的忌廉加入菠蘿皮樣子的包的時候，原來內裡是有涼涼的菠蘿粒﹗所以當你吃下去的時候，不但會有軟軟而烘焗的包面﹑以及不油膩的忌廉外，還有數粒厚厚的菠蘿粒﹗除了會令口感增加外，菠蘿的甜味令你在暑熱下可以得到一份涼快感，所以有機會的時候記得記得要試下吧﹗在云云的美食車下，這菠蘿仔的價錢的確最經濟及實惠，真的可以努力的支持吧﹗

一直好想試呢架美食車，今日去到ocean park，終於有機會啦！首先當然要試試得獎的忌廉菠蘿包啦！麵包拎上手係微暖，太熱菠蘿會酸而忌廉亦有機會溶，溫度剛剛好，仲清楚見到忌廉靚靚啫花。包身尚算鬆軟，脆皮雖不及其他專做菠蘿包嘅茶餐廳，但總算夠脆，水準亦屬中上。菠蘿味忌廉唔膩，唔太多唔太少，份量剛好，連平時食蛋糕要走忌廉嘅我都食晒，配搭新鮮菠蘿，味道好夾。試埋菠蘿漢堡包，呢個就同想像中味道差不多，好味但冇驚喜，如果要比較，咁當然係華嫂冰室嘅招牌菠蘿包好味d啦！不過菠蘿仔果然冇令我失望呀，大滿足！

美食車第一日運作之前已拿拿臨download美食車apps,但個apps未夠完善，地點指示唔夠清晰，第一站响觀塘搵左好耐。今日第二站黃大仙，仙人指點A出口响大仙隔離就會見到美食車，果真好方便。一心都係來為食。廿蚊一個餡料十足的菠蘿包確係好味。賣相黃色也吸引，啖啖菠蘿好滋味,食完想再食多一個。雖則包的皮不及xx冰廳咁正，但個餡好味，都值得一試。職員好nice,食得開心最重要期待下次買俾家人試吓。大仙平日遊人眾多，來開不妨一遊，入去走走都好寫意。

留意到美食車已係今個月開張發售食物，因為架架美食車都要二個星期左右轉地點，所以趕及今日去食個菠蘿包，趁今日仲係係太空館附近既菠蘿仔食堂美食車。簡左廿蚊個餐牌推介既既鮮忌廉菠蘿包，菠蘿同忌廉既味道都好夾。最鐘意個表面外層鬆脆✌。