甘甘好蔗 (Moved) New Location

旺角既茶飲店開得越黎越多，無咩特色好難吸引客人。最近就發現左【甘甘好蔗】，以新鮮蔗汁為主題既茶飲/飲品店。同鄰近飲品店好唔同，所以就去試左啦。 蔗打檸檬：手打香水檸檬再加蔗汁，無額外加糖。香水檸檬香味十足唔會太酸，再加蔗汁，甜度適中，又同檸水檸蜜唔同，再加D甘蔗既獨特味道。好解渴。 宮崎的夏天：打卡必備，有D果凍再加椰奶，飲落去有D似珍多冰。 甘蔗清茶：御翠烏龍青茶再加蔗汁，漸層好靚，飲落去係烏龍茶加糖，但帶甘蔗既清甜。同平時半糖差不多。 蔗杯美式：美式咖啡加蔗汁，都係有好靚既漸層。似加糖既美式，但都係有甘蔗既清甜，非常特別。