Video
Read full review
2022-07-30
63 views
又嚟介紹特色餐廳喇🥢！唔知大家覺唔覺得呢排好熱呢🥵。就係因為咁熱，所以都會想搵返啲食落會比較消暑嘅正餐🥰。今次就想同大家介紹一間越南菜餐廳，當中我嗌嘅嘢食都真係幾消暑下㗎🤭。一齊嚟睇吓我嗰日叫咗啲咩食啦🤤！環境方面☝🏻餐廳整體都幾有空間感👍。而我有個位好欣賞嘅就係喺張枱度會擺齊晒調味料😎，例如是拉差辣椒醬同埋海鮮醬。所以喺呢方面都唔需要特登問職員再攞調味料😋。當中仲有最具越式風味嘅魚露，絕對值得一試。同埋餐廳個位置係喺銅鑼灣，所以其實都幾就腳㗎！食物方面✌🏻#黑白胡椒蛋白肥牛粒炒飯（$128）首先想介紹嘅係其中一份我係嗰日食嘅主食🤩。其實就咁睇賣相，我已經覺得佢係一個成功嘅炒飯❤️。就咁睇就已經見到碟炒飯係粒粒分明嘅，唔會有太多嘅水份喺炒飯入邊🥳。講吓個味道先，我自己覺得個炒飯都炒得幾有鑊氣，同埋整體炒飯個口感都幾match😋，無論係飯粒、肥牛粒定係蛋白都好有口感😬。#扎肉撈檬（$65）跟住要介紹嘅就真係消暑必備嘅主食啦🥵，佢就係越式撈檬啦😚。每逢夏天我都會忍唔住食，因為真係太消暑啦！食之前加埋餐廳嘅特色甜酸汁嚟撈，即刻令到成碗檬粉變得更加吸引🤩。講返個味道先，我自己覺得個扎肉都幾有特色
唔知大家覺唔覺得呢排好熱呢🥵。就係因為咁熱，所以都會想搵返啲食落會比較消暑嘅正餐🥰。今次就想同大家介紹一間越南菜餐廳，當中我嗌嘅嘢食都真係幾消暑下㗎🤭。一齊嚟睇吓我嗰日叫咗啲咩食啦🤤！
環境方面☝🏻
餐廳整體都幾有空間感👍。而我有個位好欣賞嘅就係喺張枱度會擺齊晒調味料😎，例如是拉差辣椒醬同埋海鮮醬。所以喺呢方面都唔需要特登問職員再攞調味料😋。當中仲有最具越式風味嘅魚露，絕對值得一試。同埋餐廳個位置係喺銅鑼灣，所以其實都幾就腳㗎！
食物方面✌🏻
#黑白胡椒蛋白肥牛粒炒飯（$128）
首先想介紹嘅係其中一份我係嗰日食嘅主食🤩。其實就咁睇賣相，我已經覺得佢係一個成功嘅炒飯❤️。就咁睇就已經見到碟炒飯係粒粒分明嘅，唔會有太多嘅水份喺炒飯入邊🥳。講吓個味道先，我自己覺得個炒飯都炒得幾有鑊氣，同埋整體炒飯個口感都幾match😋，無論係飯粒、肥牛粒定係蛋白都好有口感😬。
#扎肉撈檬（$65）
跟住要介紹嘅就真係消暑必備嘅主食啦🥵，佢就係越式撈檬啦😚。每逢夏天我都會忍唔住食，因為真係太消暑啦！食之前加埋餐廳嘅特色甜酸汁嚟撈，即刻令到成碗檬粉變得更加吸引🤩。講返個味道先，我自己覺得個扎肉都幾有特色😜，咬落個口感都幾彈牙😬，同埋我覺得都算大件。至於檬粉嘅份量都幾足夠，絕對係為呢個天氣度身訂造嘅一個主食🤣。
#越式炸春卷配生菜 ($48)
之後就介紹我嗰日食嘅小食啦😎。首先要介紹嘅係一個我覺得都幾特別嘅小食，就係越式炸春卷啦。就咁睇個賣相就已經吸引到我，遠睇其實都有少少似竹笙😂。但係食落就同竹笙有好大分別啦🥳，大家記得食嘅時候要配埋生菜一齊食，成個體驗會更加良好㗎！
#鹹蛋黃薯條（$35）
而第二款我想介紹嘅小食就係呢一份鹹蛋黃薯條🍟。如果大家有睇開我平時嘅post，就知道我有幾鍾意食薯條啦😍。個人認為今次我識嘅呢個鹹蛋黃薯條絕對高質☺️，首先薯條真係炸得好香，咬落個口感都好實在，唔會出現薯條空心嘅問題👍。另外鹹蛋黃真材實料，完美咁樣混合喺薯條入邊，令人食到停唔到口真係夠晒邪惡👾。
#咖啡雪糕（$38）
至於喺甜品方面我嗰日就食咗呢個咖啡雪糕🍨，真係絕對可以用消暑嚟形容😈。我幾鍾意呢個咖啡雪糕嘅口感，個人覺得有少少似Gelato嘅口感👍，一樣係有少少咬口。另外佢嘅咖啡凍都幾好食，𢳂一啖雪糕再食啖咖啡凍真係夠晒嘆❤️。
評分以🌕表示（滿分為5）
環境：🌕🌕🌕🌕🌑
賣相：🌕🌕🌕🌕🌑
味道：🌕🌕🌕🌕🌑
服務：🌕🌕🌕🌕🌑
Post
