Video
Read full review
2017-12-12
102 views
星期日上午過海飲茶，飲完冇野做唯有坐叮叮周圍走。黎到顯理附近，3點3又肚餓，呢邊都有好多餐廳，巧合下黎到隆記!一入門口已經見到餐廳準備好迎接聖誕!餐廳分兩邊，我比較毒，自己走左入最埋邊既角落坐。餐廳都算寬敞，尤其牆身既鏡面設計，令空間感大增下午茶都不外乎粉麵熱狗同多士，但俾我發現左有個特色多士，先點一份吧!!!而餐廳都比較現代化，可以按鐘叫人黎落單，面對like fb page仲有 discount，雖然唔多但好過冇!餐具都放哂入台入邊，既方便又慳位!等野食期間仲留意到餐廳用電解還原水!貴野呢!!餐廳仲自己買機黎確保水源水質，睇黎係一間標榜健康同對食物質素有要求既餐廳好少見到普通餐廳會做得咁認真。見係靚野緊係要飲多兩杯! 但飲落味道上同一般水無太大分別，但佢比一般水更加冇味有時候飲水都可能飲到少少水既甜味，唔通電解還原水真係去哂所有雜質，令到d水pure到咩味都冇哂!?呢份多士連飲品都係5分鐘左右就到我台，即叫即整仲新鮮熱辣!奶茶紅豆非常誇張，大杯之餘超多紅豆，絕對唔係成杯冰俾你!紅豆夠腍夠甜夠哂粉，飲落有紅豆既香又有茶味既濃，成杯紅豆紅茶咁，超正!蔥花黃金炒蛋扒多士! 好少見餐廳用蔥
星期日上午過海飲茶，飲完冇野做唯有坐叮叮周圍走。黎到顯理附近，3點3又肚餓，呢邊都有好多餐廳，巧合下黎到隆記!
一入門口已經見到餐廳準備好迎接聖誕!
餐廳分兩邊，我比較毒，自己走左入最埋邊既角落坐。餐廳都算寬敞，尤其牆身既鏡面設計，令空間感大增
下午茶都不外乎粉麵熱狗同多士，但俾我發現左有個特色多士，先點一份吧!!!
而餐廳都比較現代化，可以按鐘叫人黎落單，面對like fb page仲有 discount，雖然唔多但好過冇!
餐具都放哂入台入邊，既方便又慳位!
等野食期間仲留意到餐廳用電解還原水!貴野呢!!
餐廳仲自己買機黎確保水源水質，睇黎係一間標榜健康同對食物質素有要求既餐廳
好少見到普通餐廳會做得咁認真。
見係靚野緊係要飲多兩杯! 但飲落味道上同一般水無太大分別，但佢比一般水更加冇味
有時候飲水都可能飲到少少水既甜味，唔通電解還原水真係去哂所有雜質，令到d水pure到咩味都冇哂!?
呢份多士連飲品都係5分鐘左右就到我台，即叫即整仲新鮮熱辣!
奶茶紅豆非常誇張，大杯之餘超多紅豆，絕對唔係成杯冰俾你!
紅豆夠腍夠甜夠哂粉，飲落有紅豆既香又有茶味既濃，成杯紅豆紅茶咁，超正!
蔥花黃金炒蛋扒多士! 好少見餐廳用蔥花炒蛋再配多士，第一次見!
炒蛋加左咸蛋黃碎去炒，食落有種住家菜既感覺，蛋香濃，加埋咸蛋黃仲有少少咸香
多士更有趣，可以揀普通白麵包或雞蛋麵包，咁大個第一次試雞蛋麵包烘既多士!
脆口之餘猜微甜，幾好食，兩樣夾埋一齊食都好夾!!
因為實在唔夠喉，叫多左一份手打漢堡!
10分鐘左右就黎到
一上台，見到隻蛋我已經急不及待，流心蛋我最愛!!!!
薯角份量都唔少，而且外脆內軟，口感同m記既一樣，味道上餐廳既好d!薯仔味更濃
蛋黃我諗左好耐要點食........又唔想一啖食哂個蛋黃，都想試下蛋汁加入burger會有咩效果。
最後決定將佢吉穿!! 均勻塗落宧包度就好了
對半切開可以見到好juicy，入邊有青瓜絲，西生菜都蕃茄，應該都係自家調配既沙律醬
食落超juicy! 味道好fresh好健康，食落冇一般既burger咁油膩同飽肚感
漢堡夠紮實唔易鬆散，鹽同胡椒比例岩岩好，食落味道道均勻又香軟
高質burger!!!!
食呢個burger既同時我諗起時新~一直話去食但咁耐都未抽到時間去食
到依家佢停業了，都未有機會試到本土既手打漢堡
作為香港人，應該係一種遺憾，如果時新唔再開業，又一種本土食物消失了
消失左或者可能會再出現，但我仲未試過最原始既味道呀!!
Post
