春城銅鍋米線

Open Now

Now Closed

旺角朗豪坊附近新開咗間新米線，主打銅鍋米線，我地就急不及待要去試試😛。舖頭名都已經叫做銅鍋米線，無理由唔試試㗎，所以就叫咗碗招牌春城銅鍋米線，基本已經有肉碎、芽菜、腐皮、酸菜、木耳絲、甜酸菜，我再加咗新鮮豬潤、肥牛同唔係成日見到嘅新鮮肉眼筋。因為我唔係好食得辣🫣，所以嗌咗個微辣，雖然呢款湯底可以揀唔辣但食米線總係要有啲辣先食得過癮嘅😙😙。米線上枱時係用銅鍋盛載，令到碗米線keep住熱焫焫🔥，配料分量多，酸酸辣辣好開胃。另外我地仲叫咗兩個小食🦐🦐炸脆脆蝦膠豆卜，豆卜炸到脆卜卜，蝦膠爽口彈牙，再配埋泰式辣醬一齊食，好好味！😋爆漿紅糖糍粑都好味！外脆內軟，一咬入面啲紅糖漿就咇晒出嚟😚，香香甜甜，配合一齊食好好味！兩款小食味道都幾出色，反而米線就略嫌有啲失色，除咗用銅鍋比較特別之外，味道同其他米線舖差別不大。所以都唔需要特別出旺角食，但如果咁啱係附近都可以試試，呢間都算係性價比唔錯嘅米線。