三五碗車仔麵

Open Now

Now Closed

三五碗車仔麵 收工揾食，與同事想食車仔麵，經過呢間叫三五碗車仔麵的，名字幾特別，稍看門口貼的餐牌，竟然見到有雞煲同埋串燒，同事和我都即刻流口水，決定入去試吓 店員叫我哋一定要試吓雞煲，咁我哋就叫咗半隻，選擇BB辣，餐牌寫住送豆卜，金菇，同埋我好鍾意嘅豬油渣，嘩正！ 雞煲上枱，賣相已經很吸引，店員幫我哋將雞撈匀，即時香氣四溢，佢叫我哋趁熱放上豬油渣索汁吃，果然係冇介紹錯，煙煙韌韌口感好好。個人覺得，雞煲嘅汁係最重要，完全影響咗個雞煲好唔好食，呢度真係做得好好，香辣滲透入雞件，嫩滑而滋味 如果想落單，用水筆直接剔在餐牌上即可，我哋都點咗幾條串燒，有不同的肉：五花腩，牛肉，羊肉，雞腎和雞軟骨，五花腩肥美香口，牛肉點些雞煲汁也很提鮮，最喜愛羊肉串，肉夾著肥膏，串燒的效果極佳，一定要食。另外也點了原條燒茄子，燒的時間剛剛好，辣椒粒蔥粒醬汁伴着茄子吃，美味無窮 見到其他有點車仔麵的，都十分吸引，但今晚已經食飽飽，下次再試