Le Dessert (Closed)

Le Dessert📍金鐘Milk Tea Pavlova $50個Pavlova可以分做三層，頂層係水果，中層係鮮忌廉，底層係蛋白餅。今次我呢款個頂層係西柚同埋橙，中層係Earl Grey味嘅忌廉，底層就係蛋白餅。鮮忌廉冇甜味，用肉眼睇會見到茶碎，但係茶香唔係好突出。相反，蛋白餅好甜，所以千祈唔好將忌廉同埋蛋白餅分開食。將三層一齊食可以打返勻啲味道，食落我覺得係啱啱好偏甜。不過呢款蛋白餅會有少少漏，雖然份量唔大，但係我覺得最好搵多個人一齊食，如果唔係就太heavy了。