Video
Read full review
2022-05-24
666 views
今日黎到九龍城哩間pizza外賣店，哩到既食物及小食全部都係廚師新鮮手作，而且食物口味有創意，亦帶有香港特色，例如：芫茜Pizza、魚香茄子Pizza、臘味Pizza，係其他餐廳都搵唔到。餐牌上面有唔少口味既pizza、意粉及小食可以選擇，亦有多人套餐。🍕芝士四重奏薄餅（12寸） $128薄餅用上莫蕯里拉芝士、車打芝士、水牛芝士同藍芝士。餅底係薄批，所以會比較鬆脆。入口芝士味非常濃烈，尤其是藍芝士，味道好突出，芝士控必點！🧀️Mama Mia小食拼盤 $108（炸芝士條、Mama Mia肉丸、BBQ雞翼、余均益雞翼、松露意大利雲吞各二）炸芝士條內裏芝士係半溶狀態，芝士味道香濃；肉丸大大粒，肉質結實，唔會鬆散，配有蕃茄醬；BBQ雞翼表皮香脆，內裏肉質嫩滑，塗上惹味既BBQ醬；余均益雞翼塗上余均益辣椒醬（余均益辣椒醬係香港一間老字號，已經有90年歷史，以往都係食雲吞麵先加既，無諗過可以加係雞翼到～）味道微辣惹味，另配有藍芝士醬；松露意大利雲吞內有香草及芝士，味道較濃厚。🍝Tung Yum Gong pasta冬陰功意粉 $108哩個係期間限定菜式～用上彈牙既扁意粉，配料有新鮮既大蝦、青口、魷
餐牌上面有唔少口味既pizza、意粉及小食可以選擇，亦有多人套餐。
🍕芝士四重奏薄餅（12寸） $128
薄餅用上莫蕯里拉芝士、車打芝士、水牛芝士同藍芝士。餅底係薄批，所以會比較鬆脆。入口芝士味非常濃烈，尤其是藍芝士，味道好突出，芝士控必點！
🧀️Mama Mia小食拼盤 $108
（炸芝士條、Mama Mia肉丸、BBQ雞翼、余均益雞翼、松露意大利雲吞各二）
炸芝士條內裏芝士係半溶狀態，芝士味道香濃；肉丸大大粒，肉質結實，唔會鬆散，配有蕃茄醬；BBQ雞翼表皮香脆，內裏肉質嫩滑，塗上惹味既BBQ醬；余均益雞翼塗上余均益辣椒醬（余均益辣椒醬係香港一間老字號，已經有90年歷史，以往都係食雲吞麵先加既，無諗過可以加係雞翼到～）味道微辣惹味，另配有藍芝士醬；松露意大利雲吞內有香草及芝士，味道較濃厚。
🍝Tung Yum Gong pasta冬陰功意粉 $108
哩個係期間限定菜式～用上彈牙既扁意粉，配料有新鮮既大蝦、青口、魷魚，用上蒜片及辣椒粒調味，味道微辣惹味。
🍤Mussel tempura青口天婦羅 $98
哩個都係期間限定菜式～青口天婦羅哩個配搭真係幾特別，炸漿薄身香脆，青口亦新鮮，配有特製沙律醬。
🍰Tiramisu意大利芝士蛋糕 $48
奶香同蛋香都非常突出，入口質感滑嫩細膩，有少少冧酒既味道，估唔到哩到既甜品咁出色，好食推介👍🏻
整體黎講，餐廳菜式特別，店員態度非常友善，不過要留意餐廳只有外賣，買完要即刻拎返屋企，咁先可以熱辣辣咁食～
Post
