馬拉Go (Closed)

主打馬拉菜，試咗個招牌蝦麵，麵好似馬拉做法，有油麵同米粉兩種溝埋一齊食，口感比較豐富，湯底真係好濃沃，有少少辣，鍾意濃味嘅人啱曬，餸都幾豐富，有燒蝦、燒豬頸肉同埋蜆。另外試咗串燒雞翼撈麵，串燒啲肉有焦香，又夠淋，醃料好入味，呢個好欣賞。雞翼都好鍾意食，外脆內嫩，入面一啲都唔乾，炒麵望落去好似好深色，但對於我呢啲重口味人士就嫌唔夠濃味。最後想讚下飲品班蘭梳打，味道好特別，冇喺其他地方試過，班蘭味好香，估唔到梳打咁夾。