Video
Read full review
2018-07-31
302 views
椰香咖央多士$17必試！真心推薦！多士焗得恰到好處！焗到金黃，脆口得黎，面包中間仲保留到少少鬆軟既口感。平時食茶記多士烘底最驚係食到刮口，蘇媽既咖央多士絕對唔會有刮口既問題～同埋咖央餡料份量十足！平均地塗匀面包之餘，啲咖央仲係邊邊滴出黎。每一啖都食到咖央，唔會得中間有餡、邊位無味道方面，由椰漿、雞蛋、牛油、砂糖等材料制作而成既咖央醬顏色偏黃，椰漿既香味慢慢飄出，咖央唔會過甜，食完兩塊都唔會漏。個人認為好好食，下次必定再encore！我見大部份客人都有嗌咖央多，咁你知咩事啦～辣死你嗎配咖喱雞肉$40個飯有椰漿飯、參巴醬、青瓜、花生、乾魚仔、薯仔、蛋，當然唔少得雞肉！椰漿飯份量唔少，應該有兩碗。顏色帶綠，食落帶淡淡椰香，幾特別。雖然去過馬來西亞，但冇諗過第一次食椰漿飯竟然係係香港><參巴醬好味呀！參巴醬味道有啲複雜，甜甜地、又帶有些少辣味，醬入面有煮淋左既洋蔥絲。雖然唔知參巴醬係點整既，但用佢黎撈飯食，一流！我覺得成碟飯最驚喜係參巴醬青瓜兩片，屬普通貨色，口感爽脆，但係空氣中放耐左，水份流失、偏乾，唔夠新鮮花生十數粒，表面帶鹽粒，鹹香脆口，豐富口感乾魚仔好脆，不過就冇咩味薯
椰香咖央多士
$17
29 views
0 likes
0 comments
必試！真心推薦！
多士焗得恰到好處！焗到金黃，脆口得黎，面包中間仲保留到少少鬆軟既口感。
平時食茶記多士烘底最驚係食到刮口，蘇媽既咖央多士絕對唔會有刮口既問題～
同埋咖央餡料份量十足！平均地塗匀面包之餘，啲咖央仲係邊邊滴出黎。
每一啖都食到咖央，唔會得中間有餡、邊位無
味道方面，由椰漿、雞蛋、牛油、砂糖等材料制作而成既咖央醬顏色偏黃，椰漿既香味慢慢飄出，咖央唔會過甜，食完兩塊都唔會漏。
個人認為好好食，下次必定再encore！我見大部份客人都有嗌咖央多，咁你知咩事啦～
辣死你嗎配咖哩雞肉
$40
50 views
0 likes
0 comments
辣死你嗎配咖喱雞肉$40
個飯有椰漿飯、參巴醬、青瓜、花生、乾魚仔、薯仔、蛋，當然唔少得雞肉！
椰漿飯份量唔少，應該有兩碗。顏色帶綠，食落帶淡淡椰香，幾特別。雖然去過馬來西亞，但冇諗過第一次食椰漿飯竟然係係香港><
參巴醬好味呀！參巴醬味道有啲複雜，甜甜地、又帶有些少辣味，醬入面有煮淋左既洋蔥絲。雖然唔知參巴醬係點整既，但用佢黎撈飯食，一流！我覺得成碟飯最驚喜係參巴醬
青瓜兩片，屬普通貨色，口感爽脆，但係空氣中放耐左，水份流失、偏乾，唔夠新鮮
花生十數粒，表面帶鹽粒，鹹香脆口，豐富口感
乾魚仔好脆，不過就冇咩味
薯仔有三舊，煮得幾好，唔會過淋亦唔會太硬。但唔入味。
蛋半隻，係普通白烚蛋
咖哩雞肉三舊連皮，肉質尚算硬實、唔係淋身既雞肉，但肉味當然無啦（亦唔會期望佢有）
咖哩偏甜無咩辣味，係椰漿味咖哩
蛋白質控覺得如果雞肉多返啲就好啦！
一個人食曬成個飯會勁飽！要同朋友share。有機會試埋牛肉先～
皇帝骨
$48
57 views
0 likes
0 comments
百吉爹肉骨茶（皇帝骨）$48
皇帝骨有四舊，份量唔多。幾啖就無左～
肉夾雜左些少脂肪，唔中意食肥膏既我覺得脂肪比例還可以接受既，當然全瘦更好啦！落order果陣叫左呀姐盡量揀瘦既，但都唔係話好瘦，不過都冇辦法。（唔會話你知係因為想食瘦啲先叫皇帝骨）
皇帝骨
$48
36 views
0 likes
0 comments
肉質方面，煮得夠淋，一咬就開。
味道方面，可能肉骨茶較濃味，相較之下肉就顯得冇咁入味。
肉骨茶
17 views
0 likes
0 comments
肉骨茶有藥材味，但唔算太濃，唔知係熬得耐定鹽落得重手左，肉骨茶整體黎講個鹹味跑贏左藥材味，死鹹既味道更出。個人認為肉骨茶唔算好好飲。
三道食物中，意外既係肉骨茶最為失色。可能期望越大就越難達到～加上係馬來西亞飲過啲勁重藥材味、勁好飲既肉骨茶，有對比就自然有傷害
環境方面，裝修得好有特色，地方企理。可惜既係細台唔多，少人要搭台，有四人台、二人台（要有緣份先坐到）同大圓台（搭台）食飯要同人搭台會食得冇咁享受，同身邊朋友既閒聊都會就住就住，希望可以改善下。
服務方面，呀姐啲服務真係麻麻，我入去果陣開門無耐，但二人台已經滿曬，但仲有幾張四人台，我地兩個人想坐四人台，等有人黎再搭，但個呀姐唔比。轉個頭，一齊搭既兩個人話要調過去，佢就話好，咩意思姐
無可否認，食物質素唔差既。價錢亦唔算貴，仲無加一。
見叻沙同薄餅都好多人嗌，下次一於試埋佢地先！啊！仲有招牌老鼠粉呀！
順帶一提，要食就最好趁早啦！平日晏就十二點開始門口已經有人排隊啦。
Post
