禮記 (Closed)

禮記走高級粵菜路線，食物有一定質素，而且環境舒適。尋日同朋友試咗三個菜式，分別係涼拌青瓜海蜇，招牌脆皮雞，同埋酸甜大海蝦脆麵，都值得一寫。涼拌青瓜海蜇頭（$98）呢個係開胃菜，涼拌青瓜非常爽脆，而且海蜇頭有咬口，伴著少少醋，都好醒胃。招牌鴻運脆皮雞（$250）呢個係餐廳招牌，職員都好推薦，所以我哋點咗半隻來試。的而且確好有驚喜，脆皮雞嘅雞件唔太口，皮炸得香脆鬆化，而且雞肉保持到嫩滑，令我不知不覺食咗好多。酸甜大海蝦脆麵（$248）呢個真係極度吸引眼球嘅打卡菜式！😮😍 一上枱，炸到脆卜卜嘅面係連埋筷子打直咁企喺度😂！到大家讚嘆完一輪，店員就淋上酸甜汁，再將脆麵剪開，方便大家食，份量都足夠四至五個人。我自己覺得最好食係個大海蝦，脆到連頭尾嘅蝦殼都食得，而且蝦肉都好頗新鮮。今次嘅晚餐，我最推介係隻招牌雞；如果想打卡，又或者同人慶祝生日，脆麵都令成件事再加分。餐廳嘅環境好舒適，店員服務都好好，而且佢嘅茶係有茶香。希望下次有機會再試佢嘅點心❤️