龍蝦寶寶 (Closed)

朋友話中環開左間賣龍蝦面既鋪頭，今日順道過黎試下。 星期六一點左右人流唔多，唔使等位，不過間鋪有d隔涉，係個商場走廊既最入面，又無乜指示，如果唔係問下派傳單既人都要揾一輪。 叫左一個喇沙湯，一個濃湯。 喇沙湯好香，不過我今日胃痛無試到。 我叫既濃湯同想像有d唔同，侍應話好濃似龍蝦湯咁，但係黎到既時候乳白色既，龍蝦湯唔係橙色既咩？ 試飲一啖好creamy, 有淡淡既龍蝦湯味。 對我黎講清左dd, 因為自己食日式拉麵都鐘意重口味既。雖然同自己想像唔同，都幾好味既。 烏冬應該唔係我想食既稻庭烏冬，但食到最後都keep到QQ既口感。 個半隻蛋有酒香味，不過有d實，可能食慣日式拉麵個種蛋既嫩滑。 佢有d菇粒，本身以為係蘑菇，但食落似係portobello切粒，好香好好味，連d蕃茄仔都甜d, 可見配料都好有誠意。 而d主角龍蝦肉呢，都唔錯既，唔係話超彈牙，份量應該得半隻龍蝦仔度，當然多些會更好啦。 以98蚊試食價都可以一食，如果加到118就有d貴啦。 不過好在無加一，酸梅湯或薏米水加10蚊就有。 我會想趁試食價仲有既時候試下喇沙湯呢。