鬼金棒

Open Now

Now Closed

之前食過鬼金棒，一直都覺得佢個麻辣味噌湯底做得好好，於是星期日放假再次光顧。餐廳使用QR code落單，快捷方便。增量叉燒×2麻辣味噌湯拉麵($140)湯底叫左小麻小辣，味道幾濃郁惹味，質感順口。拉麵比較粗身，煙韌有彈性。增量叉燒大大嚿，厚身，肥瘦分明，咬落去食到肥膏同肉層層相間，夠入味，而且表面燒得幾香，唔會好油膩，非常推薦！味玉麻辣味噌拉麵($105)味玉醬油味道適中，生熟度啱啱好到，蛋香味好濃，必食！另外加咗$15豆芽菜，份量都幾多，而且爽口清甜。食麻辣拉麵，點少得飲汽水，同拉麵好夾！