餃掂手工餃子雲吞專門店

路經灣仔，想食清清地，本身都係餃控，見環境乾淨企埋，門口仲有蔡瀾合照，入去試下啦~環境舒適，但唔好坐咁近門口，因為係地舖，仲對住馬路，熱之餘仲坐得無咁舒服好多選擇，我地唔係好餓，要淨餃就夠湯餃跟狀元九鼎湯。個湯好似家常湯咁舒服，飲落好似去濕粉葛湯，清清地，飲晒成碗。到主角，元貝豬肉餃。味道可以，但無咩元貝味，亦只見少量元貝絲。豬肉好似不夠新鮮，餡料較易散開，餃內肉汁欠奉。外皮不錯，厚薄軟硬亦適中，勝在大隻抵食。到粟米豬肉餃同之前果款感覺差不多，餡料略鬆散，豬肉亦不夠滑身，有點乾。黄金皮蛋，隻皮蛋係完全無味既，食個質地，就好似象膠咁，完全靠個豉油，都係鐘意傳統皮蛋多d總括黎講，呢兩款餃只屬正常味道，有特式d就係個狀元九鼎湯，勝在係灣仔區黎講算抵食之選，好好味又講唔上。