Video
Read full review
2007-10-09
8 views
之前朋友上過黎呢間cafe幾次,話d嘢ok好飲同好食,佢哋叫咗我幾次上去我都冇時間,但係佢哋早前話我聽間cafe有3隻狗狗好得意0架,係poodle嚟0架,0甘啱我最近都好想買隻toy poodle所以上星期咪即刻仆倒0甘同班朋友一行5人衝咗上去,一入到門口就見到3隻小狗好熱情0甘飛奔埋黎，好似PR咁迎接我哋，到店員話俾我哋聽坐邊張檯時，0的狗仔仲快過我哋坐低咗喺啲梳化度，極度搞笑，好似做埋帶位咁。到我哋坐低咗，其中一隻啡色的小狗，後來我從店員得知牠叫「大力」的poodle更熱情地係咁獻吻，好似人地未食嘢先洗臉咁，遇啱我這個狗痴，我當然─like it!我們叫了3客意粉、一個甚麼招牌可樂雞翼，同幾杯特飲，一同享用。咦!出奇地開胃喎!因為我平時都好少食意粉，但係唔知是否他們的白汁特別好味，尤其是0個果芝士白汁焗海鮮意粉，芝士味又夠香，白汁又夠濃，帶子、青口又好鮮甜、啲蝦又夠爽口，但我朋友因敏感不吃海鮮，就揀了另外的鴨胸意粉，差不多成碟俾佢掃晒，我一啲都食唔到，但睇佢一臉滿足，味道應該不俗。之後我0地仲叫咗個梳乎厘做甜品，是加大size的，因是即叫即做，要等成30分鐘，但上檯時我們都不噤嘩
我們叫了3客意粉、一個甚麼招牌可樂雞翼，同幾杯特飲，一同享用。咦!出奇地開胃喎!因為我平時都好少食意粉，但係唔知是否他們的白汁特別好味，尤其是0個果芝士白汁焗海鮮意粉，芝士味又夠香，白汁又夠濃，帶子、青口又好鮮甜、啲蝦又夠爽口，但我朋友因敏感不吃海鮮，就揀了另外的鴨胸意粉，差不多成碟俾佢掃晒，我一啲都食唔到，但睇佢一臉滿足，味道應該不俗。
之後我0地仲叫咗個梳乎厘做甜品，是加大size的，因是即叫即做，要等成30分鐘，但上檯時我們都不噤嘩一聲，因哪個梳乎厘實左升得很高，店員仲提醒我哋要趁熱食，不然就會塌下來。入口時原來只是一陣風，但有很香的蛋味，size雖然龐大，但絕對不會有heavy的感覺，確實不俗。
食完嘢後，我就掛住同狗狗玩，朋友就啱啱好4個人打麻雀。
如果鍾意同小狗玩，而又想食好嘢的朋友，呢間cafe確是不錯的選擇，我諗我第時買咗小狗後都會帶埋佢上黎玩。
Post