色 KAFFA (Closed)

早幾天是朋友生日，因朋友愛狗狗，但家中不能養，於是我們便上網search到這間狗cafe，諗住俾個驚喜佢。我們6個人去到門口便聽到店內狗狗熱情的歡呼聲，店內共有3隻貴婦狗，佢地好熱情，會帶位架!朋友一見到已滿心歡喜同肉緊，話佢地好似bear bear熊咁，好得意。我們共叫了6個dinner，有香草羊仔柳飯、白汁龍脷意粉、法式鴨胸意粉等，味道真的不錯，其中的白汁意粉和羊仔柳都令我有驚喜，羊肉不騷又有羊味，很啱一些怕騷又想食羊肉的朋友。飲品都有特色，可能果晚不算多人，我們問老闆娘有乜好介紹，佢都好耐心咁推介各類飲品給我們，我點了一杯士多啤梨加奇異果加益力多的飲品，好正!因我們帶了一個生日蛋糕去，所以無試到店中甜品，但見到menu有梳乎厘、心太軟等甜品，剛巧當晚有其他客人點了梳乎厘，見到樣子頗吸引，有機會下次一定試!果度仲有一些boardgame，最搞笑是其中有隻叫「大力」的狗狗在我們玩JENGA時，竟起勢想咬走其中一舊，好似想玩埋一份咁，超爆笑。

本人今年養左隻poodle,因好小地方可以帶同自己既愛吠去餐廳食飯,所以我都會帶同狗仔週圍試試狗cafe,但今次去左呢間狗cafe,真是不知所謂.食物都還好 我最不能接受的 就是那位老闆 你開狗cafe一定預左狗仔一定會小便我去每一間都會有狗仔小便既情況 好小事 沒所謂我都問老闆清潔用品在那我自己沬就可之後我的小狗去了3次左右之後 不停聽到老闆說(不要放佢落地啦,如果唔係又痾呀)我已經忍氣吞聲沒理老闆 但我覺得你自己這裡都有3隻狗 佢地都有痾 又沒狗廁 為何只說我的小狗不是 咁算啦食完埋單,我同男友出去俾錢 老闆又講(下次黎記住帶狗尿片會好D,即係好似bb咁著住個d,唔使係度猛咁痾) 好似講到我隻狗仔有病咁 O唒嘴 我心諗我冇下次!!我唔使用呢d因我唔會再黎!!

我地五位朋友原本只是阿貓地灘的　但有朋友提意去埋格黎依間狗cafe　咁咪試下囉　點知中計了。起初入到去　感覺還好的　有三隻幾熱情的狗。　食物還可以　我最不能接受的　就是那位老闆的說話囉. 我們五人是坐廳的六人坐位(她說是八人坐位wo) 但坐位是她給我們坐的. 又平時去狗cafe一樣　當然又小狗玩，食個飯，當然去cafe自然會和朋友吹下水坐多一會啦。這時那位老板娘說我地張梳化左到後面房間的門口位置，ok我們也係合作讓開一點。但還未完她又說你們五個人坐八人位咁多空間，仲咁樣左住人地出入。(當時是冇任可人出入此房間) 又說你們比了那幾十元坐了幾小時，出面到那搵到這樣好的地方.ok 出黎食飯開心下點知有氣受.立即埋單走人冇下次。　各位師兄師姐，去食cafe的話唔一定去依間。銅鑼灣大把選擇囉

呢度的意粉好好食架...仲有order 左一個雞肉粒比我隻狗狗食, 佢狂風掃落葉咁我洗埋隻碟....食物等左約十五分鐘, 呢個係cafe的一個問題, 但去得呢d cafe都預左, 同埋狗cafe來說真係唔算耐3隻駐場狗仔好可愛, 我最like的係小寶, 好乖

見呢度咁多好評就同一大班朋友黎呢度食野傾計上到黎既環境真係幾home feel既，招待都唔錯坐低十幾個人，每人都好肚餓就叫左野食啦$64 加一就有待定既野食同野飲...但一睇menu...d野好普通...大家樂30蚊都有個打算志在傾計啦...點知真係傾左個半鐘傾都未有野食唔知佢煮得慢定唔夠碟裝野上菜啦...真係好...慢成班朋友真係唔方傾唔夠啦...睇雜誌...好似自修室-_-野食都唔算特別...我叫左個咸牛肉意粉其實都係罐頭加d醬同粟米o者...唔明點解煮唔耐成碟野得黑椒味好辣...食唔出其他味咁就70幾蚊加埋一...好唔抵同埋好焗...真係煮得好慢...餓死我地...同埋真係普普通通...一大班朋友...黎之前諗清楚啦...P.S.地址錯...應該係富明街(阿貓地攤旁)

之前朋友上過黎呢間cafe幾次,話d嘢ok好飲同好食,佢哋叫咗我幾次上去我都冇時間,但係佢哋早前話我聽間cafe有3隻狗狗好得意0架,係poodle嚟0架,0甘啱我最近都好想買隻toy poodle所以上星期咪即刻仆倒0甘同班朋友一行5人衝咗上去,一入到門口就見到3隻小狗好熱情0甘飛奔埋黎，好似PR咁迎接我哋，到店員話俾我哋聽坐邊張檯時，0的狗仔仲快過我哋坐低咗喺啲梳化度，極度搞笑，好似做埋帶位咁。到我哋坐低咗，其中一隻啡色的小狗，後來我從店員得知牠叫「大力」的poodle更熱情地係咁獻吻，好似人地未食嘢先洗臉咁，遇啱我這個狗痴，我當然─like it!我們叫了3客意粉、一個甚麼招牌可樂雞翼，同幾杯特飲，一同享用。咦!出奇地開胃喎!因為我平時都好少食意粉，但係唔知是否他們的白汁特別好味，尤其是0個果芝士白汁焗海鮮意粉，芝士味又夠香，白汁又夠濃，帶子、青口又好鮮甜、啲蝦又夠爽口，但我朋友因敏感不吃海鮮，就揀了另外的鴨胸意粉，差不多成碟俾佢掃晒，我一啲都食唔到，但睇佢一臉滿足，味道應該不俗。之後我0地仲叫咗個梳乎厘做甜品，是加大size的，因是即叫即做，要等成30分鐘，但上檯時我們都不噤嘩

之前姐姐到過色kaffa跟朋友gathering，覺得他們的環境和食物質素不錯，都有跟我推介過，加上得知店內設有塔羅服務，上周末便跟友人一同前來吃飯兼問塔羅牌。我們一行4個女生，好彩我預先已book了枱和塔羅服務，原來當晚個場都幾爆，且有很多枱客都約左睇塔羅牌。先講食物方面，我們叫了一個黃金寶盒、一客可樂雞翼和兩個意粉，黃金寶盒是一個麵包中掘空中間釀些火腿、芝士、蕃茄、粟米等料在內，再焗成的，外表很香脆，中間的料用他們秘製的白汁炒成，配合起來吃很香燶，好好味。雞翼同意粉都ok，由於份量很足，本來我們幾個女仔都擔心食唔晒，好彩有朋友Sandy係度，她一向都是「擦」得之人，最後「清場」的責任便交給她了。飲品方便，我們分別叫了4杯生果特飲，我那杯是士多啤梨、菠蘿加益力多，我一向鍾意士多啤梨，所以覺得很正。之後店主，亦即是塔羅師Agnes便來跟我們睇塔羅。我們選了400元一個鐘任問的塔羅服務，每們4個人平均每個人都問到2-3題問題，價錢都算合理。最厲害是我問工作時，塔羅師一開牌便知道我這份是新工，更說未來大半年的發展不俗，要好好把握時機。確實我這份工只返了一個星期。之後朋友問的感情問題，Agn

一間可以帶埋自己隻狗狗去食野既cafe, GOOD!!!一入到去, 我隻b仔已經急不及待同3隻toy poodle打成一片啦.事晚叫左煙鴨胸意粉, 火腿煙肉意, 凍檸蜜, 凍柚子蜜.total $141.份量,味道都唔錯, 價錢又合理, 最開心係睇住自己隻狗仔同其他狗仔玩, d人又好nice喎!!!得閒會再去幫襯^^

之前有個朋友在色kaffa包場開party，話此店食物及飲品的水準可說是cafe中很出色的一間，價錢又合理，基於此，昨晚便同朋友一同來晚飯。我們5個朋友每人叫了一份晚餐，意粉味道確實不俗，我食的是黑椒牛魔王意粉，配上白汁很香濃，份量亦足，連我平時一定要吃飯才飽的人都覺得飽。kaffa還有很多遊戲，我們玩了大富翁同uno，消磨了整整一晚，每人埋單都只是70蚊，抵過唱k。其實他們menu上還有其他特色食品同飲品，我想下次到來我會再試，因我看到隔籬枱叫了沙冰類的飲品，樣子很吸引，又夠大杯。果晚仲有3隻活潑天真的玩具貴婦狗同我地玩，佢地好得意架，又鍾意撩人玩，本來我其中一個朋友都驚驚地狗，但見到佢地3隻狗狗樣子確實可愛，成隻公仔咁，都忍唔住抱住佢地影相。月底將有同學聚會，我會大力推介到這兒包場，價錢都只是百多元一位，但已有10多款嘢食，到時又可探下果3隻狗狗。

經朋友介紹，上周來了這間cafe幫襯，一心想來吃這兒的梳乎厘，結果叫了個原味的。加大的size，足夠2個人分享，很難得在香港食到這樣好味的梳乎厘，雖然要等，(梳乎厘焗需時，等了約30分鐘)也很值得!我和朋友2個人，我叫了杯薑汁咖啡，味道不俗，講真要在cafe飲一杯有質素的咖啡，真要看你運氣，我便試過很多次失望而回，或許之前我朋友力讚過這間cafe，我亦抱著一試無妨的心態，結果總算無令我失望。我的朋友則點了一杯生果特飲，大大杯，好像叫Pink Lady，朋友話很好飲喎!我們還點了一客煙肉意粉，它的白汁很香很濃，食得出用了真材實料，很怕白汁弄得很稀，不夠creamy，算我的朋友無介紹錯啦!這裡也算坐得舒服，或者是平日關係，果晚不算多人，我們2個人也可挑地台，落地玻璃的sofa位。服務態度亦不俗，店主很nice，不時走來問我們是否合口味，據知這問cafe已做了幾年，難得仲咁有熱誠!店主還是塔羅師，不過她並沒有神婆上身，反而很親切，我朋友之前在這裡睇過塔羅，她說塔羅師很有heart的分析問題的狀況，傾完後感覺很舒服，且講的亦很準。我果晚並無睇到塔羅，或者有需要時亦會一試。我同朋友都覺得這裡不俗

見到呢度comment都唔錯，所以黎試試，點知真係幾好喎！朋友都話幾好呀。有一隻狗狗，不過佢好乖。set (指定pasta+指定drink) $60。叫左兩個煙鴨胸，好開胃，鴨胸好厚。芝士黑椒咸牛肉都好味，好重cheese，不過長通粉就硬左少少喇，意粉好ｄ。小食：可樂雞翼(5隻, ~$35)，好甜，冇可樂味，不過我唔食雞翼都覺得ok。甜品：大朱古力疏乎里($40)，好香蛋白味，唔會好『漏』，不過就覺朱古力味唔係好夠，朋友話just right。cheese cake(~$25)好普通。可以試疏乎里！食完打左兩圈麻雀，好free，原本想玩埋monopoly，但朋友第二日要返工，唯有下次啦。星期五都冇乜人，可能地點唔係喺cwb中心啦，夜少少就多ｄ人。仲有service都好，店主好sincere，仲問我地想睇咩台。ｐ.ｓ：地點近鵝頸橋，個大廈就頗恐怖。入到大廈，上一樓之前突然見到有隻野飛埋黎，咁我咪撥開佢囉（感覺有ｄ似『outside block』），撥開之後先知係隻巨型飛曱甴！差ｄ暈低！上到cafe即刻衝去toilet消毒手背！

第一次去色kaffa﹐上到去真係好有屋企既感覺呀﹗﹗^^好comfortable﹐好free~~你想坐邊就坐邊(D sofa好舒服ga﹗﹗)你想做咩就做咩(有啤牌啦﹐UNO啦﹐飛行棋啦﹐層層疊啦﹐其他智力遊戲啦﹐仲有漫畫睇添﹗﹗)我上次去0個陣點左疏乎里同埋綠野仙蹤(青蘋果特調)兩樣都好正﹗﹗﹗>v<雖然等既時間係長左少少﹐但係D 野0甘好味﹐等下都係值得既﹗﹗﹗去過同區既其他2樓cafe﹐D 服務態度同埋野食都唔夠色kaffa 0甘好~ (色kaffa D人好friendly ga﹗﹗)例如﹐唔會你坐耐D 就啤實你(好似趕客0甘)又唔會強行sell 你order 多個餐/野飲更加唔會求其整D野出黎就算~我既suggestion﹕keep up the good work!! ^___^

i went to this cafe for a few times, and i really enjoyed spending time there!!this cafe has a comfortable environment, where you can play games or use the computer when you feel like to.the service is really good.the servicer always comes and sees if you are doing fine or not.(such as, if you need more water, or if you need to place another order...)the food are tasty, especially the cheesecake.the special drinks are awesome!!! =)further more, the prices are relatively reasonable.(range from $2

聽講呢度出名綠茶梳乎里,所以兩個女仔專登黎試。點左個三文魚意粉,黑芝麻多士,最後係甜品綠茶梳乎里。食物既味道ok, 黑芝麻多士又脆又好食,但係唔好既係要等好耐,而且上完一樣要幾耐先上第二樣,或者唔夠人手卦?至於綠茶梳乎里,老實講有少少失望,因為比想像中無咁「綠茶」,只係好似食空氣咁,不過都算係試過下咁啦!環境ok既,幾舒服,適合傾下偈,坐下,坐耐d都得!

原來可以包場開私人party 架!