一杯鐵板燒居酒屋 (Closed)

餐廳裝修有日本魚市場感覺，有卡位有吧枱，坐卡位完全見唔到其他食客，幾有私人空間!! 🔘特上刺身定食 $290有六款刺身分別係三文魚、油甘魚、蝦、帆立貝、吞拿魚腩、八爪魚，每款有兩件都幾厚身，魚類刺身質素幾好新鮮可口，吞拿魚腩油脂好豐富，整體滿意!! 🔘鐵板燒午餐 $220好遠咁見到師傅會喺個鐵板到煮好先至上菜，煮好就即刻上，所以熱度好夠，首先上帆立貝同埋牛肉，帆立貝剛剛好熟夠鮮甜，牛肉油脂好勁裏面包左蔥定係韭菜幾香口，炒飯粒粒分明，最後上銀雪魚同雜菜，成個set都幾豐富，多嘢食之餘又好食!! 兩個午餐都有跟前菜、沙律菜、麵豉湯、飲品同甜品，食完一定夠飽，甜品仲係我喜愛嘅紅豆綠茶蕨餅!! 👍👍