Video
Read full review
2024-05-08
25 views
2024年4月23日 星期二今晚一早預約咗呢一間餐廳同老婆食飯，一入到門口就比個噴水池吸引住，冇諗到喺一個商場餐廳裏面竟然會有噴水池，而且充滿歐美風情，即時覺得間餐廳高級咗店員安排我哋坐呢一個位置更加可以睇到裝修得好精緻，無論門框、燈或者牆身都做到一絲不苟，猶如置身歐美高級餐廳一樣，感覺坐得好舒適餐廳除咗提供set dinner之外，仲可以散叫食物，餐牌上面嘅食物圖片賣相好似好吸引，價錢銅鑼灣嚟講都算合理，但由於我哋唔算太肚餓，所以只係叫咗兩個主菜等咗大約15分鐘左右，第一個主菜就嚟到，係炭燒安格斯西冷牛扒，賣相幾精緻，而且廚師仲已經好貼心咁幫牛扒切開一嚿嚿，方便進食我哋叫左medium Rare，見到牛扒裏面嘅顏色好粉嫩，完全做到我哋心目中嘅要求，咬落去充滿肉汁，肉味好濃郁，而且唔會太韌，配埋醬汁一齊食味道更加好添，配菜方面有千層薯同車厘茄，其中千層薯整得幾入味，又唔會太腍，外皮幾香口至於另一個主菜就係香煎北海道帶子番紅花意大利飯，帶子都真係幾大粒，食落去生熟度啱啱好，同番紅花都幾夾，而且意大利飯有咬口，唔會煮到一pat pat，醬汁都同帶子好配合埋單每人$300左右，除咗食物質素唔
今晚一早預約咗呢一間餐廳同老婆食飯，一入到門口就比個噴水池吸引住，冇諗到喺一個商場餐廳裏面竟然會有噴水池，而且充滿歐美風情，即時覺得間餐廳高級咗
店員安排我哋坐呢一個位置更加可以睇到裝修得好精緻，無論門框、燈或者牆身都做到一絲不苟，猶如置身歐美高級餐廳一樣，感覺坐得好舒適
餐廳除咗提供set dinner之外，仲可以散叫食物，餐牌上面嘅食物圖片賣相好似好吸引，價錢銅鑼灣嚟講都算合理，但由於我哋唔算太肚餓，所以只係叫咗兩個主菜
等咗大約15分鐘左右，第一個主菜就嚟到，係炭燒安格斯西冷牛扒，賣相幾精緻，而且廚師仲已經好貼心咁幫牛扒切開一嚿嚿，方便進食
我哋叫左medium Rare，見到牛扒裏面嘅顏色好粉嫩，完全做到我哋心目中嘅要求，咬落去充滿肉汁，肉味好濃郁，而且唔會太韌，配埋醬汁一齊食味道更加好添，配菜方面有千層薯同車厘茄，其中千層薯整得幾入味，又唔會太腍，外皮幾香口
至於另一個主菜就係香煎北海道帶子番紅花意大利飯，帶子都真係幾大粒，食落去生熟度啱啱好，同番紅花都幾夾，而且意大利飯有咬口，唔會煮到一pat pat，醬汁都同帶子好配合
埋單每人$300左右，除咗食物質素唔錯之外，仲食埋餐廳環境，感覺唔錯
Post
