La Maison

Open Now

Now Closed

上個星期五，我同太太決定去一間葡國餐廳食晚飯，之所以選擇呢間，主要係因為佢哋免開瓶費。話說回來，呢間餐廳嘅食物真係不錯，而且係一個家族經營嘅生意，有葡國血統。呢間葡國餐廳位於香港嘅汕頭街，喺一棟舊樓度。一開始見到樓外觀陳舊嘅時候，我哋都有啲擔心。但係踏入餐廳之後，就發現裡面裝修非常有特色，彷彿去咗一趟葡萄牙旅行。一坐底waiter 即過嚟，第一句問有冇帶酒嚟 XD當晚大約九點，我哋準備走嘅時候，突然間餐廳有個live band表演，真係好有驚喜！雖然當晚餐廳啲客人唔係好多，但菲律賓singer 帶到氣份好好，大家都非常投入。喺香港嘅餐廳，我哋第一次試到呢種經歷。餐廳老闆都走出嚟唱咗一首張國榮嘅"追"，同大家分享三年疫情終於捱過去，真係好不容易。聽到老闆嘅分享，我哋都覺得好感動，同時亦為呢間餐廳嘅堅持同努力感到佩服。總括嚟講，呢一晚我哋度過得非常盡興。不但品嚐到美味嘅葡國菜，仲有驚喜嘅音樂表演同獨特氣氛。我哋一定會再去呢間餐廳，同時都推薦比大家去試試。希望大家都可以喺度擁有一個難忘嘅晚上！