Video
2015-08-19
1510 views
今日返工既時候係到諗晚餐食咩，諗諗下突然想食薄餅加咖哩，就seach下佐敦依頭有咩咖哩好食。8點倒行到過黎，明明睇過係依條街但係點解行左2轉都唔覺既。唔通執左？原來個門面唔大，外面睇黎又唔似食咖哩所以MISS左。本身睇左OPENRICE，又得自己一個食，所以直接目標就係個1人餐，唔洗點諗。有湯，咖喱，白飯，薄餅，春卷再加野飲。野食叫左都好快上得，黎先既係個湯。個湯望落好清，實際上都好清，基本上都係蔬菜，飲落好熱，好勁薑味。跟住上主菜，咖哩有得揀雞，羊，牛或者蔬菜。我揀左雞，肉唔係好多，不過對一個女仔黎講都好夠，雖然我自問自己係比較細食，最後都淨返Ｄ飯食唔哂。一黎就食左我想食既薄餅先，薄餅拎上手唔係好熱，應該係放涼左，點左落咖哩到放入口就差Ｄ燙親嘴，不過好好味。我覺得咖哩有Ｄ辣，不過我個人本身都唔食得辣，但係辣得黎幾好味，有杯凍野飲完全冇問題。春卷冇咩特別，正正常常，白飯我覺得硬左Ｄ，不過岩中意食野有咬感既人。野飲有得揀汽水，紅茶或者凍檸茶，杯凍檸茶都幾大杯下。成個餐都係$58，唔洗加1，1個人食完全夠哂飽。
8點倒行到過黎，明明睇過係依條街但係點解行左2轉都唔覺既。唔通執左？
原來個門面唔大，外面睇黎又唔似食咖哩所以MISS左。
本身睇左OPENRICE，又得自己一個食，所以直接目標就係個1人餐，唔洗點諗。有湯，咖喱，白飯，薄餅，春卷再加野飲。
野食叫左都好快上得，黎先既係個湯。個湯望落好清，實際上都好清，基本上都係蔬菜，飲落好熱，好勁薑味。
跟住上主菜，咖哩有得揀雞，羊，牛或者蔬菜。我揀左雞，肉唔係好多，不過對一個女仔黎講都好夠，雖然我自問自己係比較細食，最後都淨返Ｄ飯食唔哂。一黎就食左我想食既薄餅先，薄餅拎上手唔係好熱，應該係放涼左，點左落咖哩到放入口就差Ｄ燙親嘴，不過好好味。我覺得咖哩有Ｄ辣，不過我個人本身都唔食得辣，但係辣得黎幾好味，有杯凍野飲完全冇問題。春卷冇咩特別，正正常常，白飯我覺得硬左Ｄ，不過岩中意食野有咬感既人。野飲有得揀汽水，紅茶或者凍檸茶，杯凍檸茶都幾大杯下。成個餐都係$58，唔洗加1，1個人食完全夠哂飽。
Other Info. :
食飯既時候都見幾多外籍人士，仲有得叫酒飲，不過我今次就冇試。
(The above review is the personal opinion of a user which does not represent OpenRice's point of view.)
View previous comments ()
Post
