德美壽司

Open Now

Now Closed

難得下晝放假可以行遠啲覓食，就去左想去好耐嘅德美壽司。之前都聽過同事嘅推介，想試下佢嘅晚餐，不過見佢lunch set幾扺食，大部分都一百蚊樓下，仲要唔洗加一，就食個午餐試下味先。佢平日個lunch做到三點鐘，三點之後就會落場啦。我今次揀左海膽什錦魚生飯，套餐包埋沙律、味噌湯、茶碗煮同甜品。一開始先上個青瓜絲魚子蟹柳沙律，入面疑似有啲蟹肉，味道普通啦。之後再上味噌湯，味噌湯入面都幾多海帶同豆腐，仲有一隻蜆味噌湯味道適中，飲完唔口乾等左一陣之後，魚生飯黎啦入面有海膽、北寄貝、魷魚、帶子、三文魚、油甘魚、熟蝦，見到係熟蝦嗰陣，個心沉一沉，我想食蝦刺身呀！！！我食嘢嘅原則—就係食左冇咁鐘意食嘅嘢先，所以拿拿林放隻蝦入口！咦？！有驚喜喎！隻熟蝦幾肉厚彈牙有甜味！油甘魚三文魚都好肥美，魷魚𠝹左花，好新鮮，好鐘意黏黏地口嘅口感海膽呢個價錢黎講算唔錯，起碼唔會腥腥苦苦，帶子切得好厚仲好鮮甜，食完心情靚哂一碗好嘅刺身飯，飯係靈魂，德美嘅飯絕不欺場！飯嘅酸度適中，暗藏我最愛嘅香菇同好有驚喜嘅芝麻。原來嘅飯加左芝麻係好唔同，真係香好多，香菇同芝麻加哂分由於蒸蛋需時，食食下飯個茶碗煮終於登場啦，佢入面有蟹柳