初味

Open Now

Now Closed

星期六都要開工真係戥自己難過....六點鐘收左工決定食好少少!醒起初味有我最愛既西班牙乳豬食，趁佢六點鐘未有太多客，即刻入去坐低先。單叫一份西班牙乳豬就唔夠填飽我個肚既...於是叫多一個炸軟殼蟹青瓜蟹籽沙律。【西班牙乳豬】乳豬係新鮮熱辣即叫即燒嘅，難免要等耐少少。不過等待過後總會遇見美好嘅乳豬如我想像般皮脆肉嫩，帶有少少脂肪先係最好食！有人鐘意食中式乳豬個種爆皮嘅質地，而我就鐘意食西班牙乳豬呢種又薄又脆嘅質感！點埋佢地自家製既醬汁，完全表達咩叫油而不膩！連伴碟既燒波蘿都好好食！燒完之後波蘿既糖分完美咁揮發哂出黎，件件甜美又多汁咩邪惡感統統掉走哂！份量剛剛好夠一個人慢慢品嚐【炸軟殼蟹青瓜蟹籽沙律】炸軟殼蟹份量都幾大，軟殼蟹炸得金黃鬆脆，炸粉上仲有少少調味。沙律部份都做得唔錯，青瓜絲切得夠幼細，蟹籽都落得夠多，增加口感。醬汁酸甜醒胃，確係唔錯。