煙燻玉子燒 (Closed)

約左朋友係係荃灣搵食，行行下入左條巷仔，發現一間日本風格裝潢既店，就吸引左我行過去8掛下，一睇原來係玉子燒，係日本試唔到，就決定買黎試下，睇完menu決定試一個最基本既味-原味玉子燒。佢有分凍/熱，因為諗住買返屋企食，怕凍同熱係俾外賣同即時食既分別，但細問下，原來一樣，只係熱既話就係即場整俾你，甘我就選擇了熱，感覺新鮮點。俾左錢後店員話要等6分鐘。後黎見佢整完之後會用支管插入果盒到，將煙噴入玉子燒果盒到，做到煙燻玉子燒既效果，拎既時候，店員仲提醒要3分鐘之後先可食，不過拎到返屋企既時候，已經成個鐘後，不過食既時候，蛋仲好嫩滑，陪住蘿蔔末一齊食好清新。不過$28盒玉子燒，就有少少貴呢...