GoodDay BadDay MamaDay

Open Now

Now Closed

Good day…bad day…mama day，無論心情係點，都要食返餐好嘅慰勞吓自己。今晚就去咗一間充滿港式幽默感與創意既餐廳，每一個角落都帶比客人驚喜，玩味十足，除咗環境，食物名都被惡搞，十分有趣。記住,期望愈大,失望感大•雞翼揀咗蜜糖芥末味，雞翼炸至非常香脆，單骨食起嚟好方便，蜜糖芥末醬微辣偏甜，同雞翼好夾。三文魚牛油果莎莎肥美嘅三文魚刺身切成一粒粒，肉質緊實，咬落去有彈性，配合埋牛油果既綿滑，放係脆片上面食，層次感豐富。鵝肝槓上肝菌飯講十次一上枱已經見到大大件鵝肝，鵝肝質地細膩，口感濃郁，肝菌帶有一種特有既菌菇香氣，與米飯既綿軟結合，創造出一種令人驚喜既口感。好日子硬係芝士龍蝦意大利扁面龍蝦喺呢道菜既亮點，全隻龍蝦尾已經拆好肉，放喺意粉上面，非常奢華。龍蝦肉口感緊實而有彈性，配上芝士汁扁意粉。牛油果沙冰口感係杰撻撻牛油果沙冰打至非常滑順，帶有細膩冰晶既口感，一直係本人至愛。