芝士冰室 (Closed)

芝士冰室 (深水埗)📍深水埗福榮街101號地舖🤍 黃金芝士火鍋 $320呢個芝士火鍋set係冬日限定嘅，可以外賣自取或者直送到屋企都得，最得意嘅係呢個火鍋set有埋無煙炭爐，火柴，滅火水袋同夾，可以自己親力親為set火鍋爐，有啲camping feel，玩味十足🥰芝士火鍋包基本會有麵包粒、車厘茄、椰菜仔、甘筍仔、新薯、鈕倫堡腸件，火腿粒，我哋呢個set仲有煎雞粒同豬扒粒，芝士盤用炭爐烘熱咗之後用嚟配小食，芝士味濃郁，口感又夠晒濃稠，我最鍾意就係麵包粒同豬扒粒配芝士，鹹鹹哋咁樣真係好好味😍🤍 龍蝦湯x2蝦味香濃，好好飲🦐👍🏻🤍 芝士薯蓉煙肉焗青口呢個焗青口係小食，上面有滿滿嘅芝士，薯蓉同煙肉碎，同青口味道好夾，口感好豐富😋🤍 四重芝士鮮茄焗豬扒飯呢個豬扒飯塊豬扒好大塊，加埋四重芝士鋪喺面，有埋鮮茄，經典嘅組合，芝士控真係唔可以錯過！整體評分：味道 🌟🌟🌟🌟服務 🌟🌟🌟🌟🌟衛生 🌟🌟🌟🌟🌟抵食 🌟🌟🌟🌟