達人烤肉 (Closed)

柯士甸道一帶己經成為小韓國、韓式餐廳、超級市埸無處不在、到底韓風還會吹幾耐呢？點指兵兵、今天選中了達人烤肉、裝潢設計充滿著韓國情懷、由于樓底高頗有氣勢、店員全部韓國人、真係好似去了韓國旅行。指定動作、前菜呀！蛋漿呀！芝士栗米粒呀！全部端上、準備開餐。棉花糖西柚梳打（＄５５）賣相吸引有驚喜！連拍數張！圍邊的棉花糖扼Like之餘又可食、有玩味。西柚梳打酸酸味味好開胃、還有數片西柚、絕不唏埸。火花五花腩（＄１２０）店員先將油和酒淋上肉身、隨即點火、火紅紅的、五花腩被燒至1成熟、酒味亦散發出來。之後放入爐燒、油份迫出、有焦香的口感、我比較喜歡單一食法不加任何醬料。特牛肋骨（＄２００）醃製過的牛肋骨特別入味、肉質軟熟、細嚼下更顯美味、有Juicy口感。烤達人護心肉（＄１５０）特製醬汁醃過、味道遜色於牛肋骨。肉質又比較實。全程有店員代勞、最適合不董煮食的我們、到時到侯就有得食、服務不錯啊！