花花世界. (Closed)

今日同朋友嚟到旺角呢邊食午餐我哋選擇咗嚟到旺角嘅樓上cafe花花世界玫瑰咖啡室 一入嚟已經畀個咁靚嘅 畫面所感動成間cafe嘅主題都係用玫瑰麗設計 有玫瑰嘅花籠，同埋一個可以當千秋嘅搖搖玫瑰花櫈， 有一種置身於美女與野獸嘅童話故事世界， 超級靚除咗食仲可以係咁影相！喺咁有氣氛嘅環境之下食午餐係一件好開心嘅事點解阿根廷虎蝦青醬意粉 ，有一隻超巨大嘅虎蝦 ，肉質鮮嫩鮮甜肥美， 好正！意粉分量係啱啱好嘅 ，有好多嘅香蒜頭橄欖油配合埋一個意粉，覺得成碟意粉都好健康！法式嫩煎櫻桃鴨胸， 呢一碟鴨胸真係好有特色，首先鴨胸肌肉一啲都唔韧，係好柔軟嘅， 包埋佢嘅皮煎得脆脆哋，一齊食口感極佳， 而且佢上面鋪咗一層櫻桃皮， 櫻桃皮嘅味酸酸地甜甜地配埋鴨胸肉，味道一流！隔離嘅配菜都不容小覷，佢嘅薯仔都係好juicy嘅，仲有沙律菜，我同朋友都好鍾意食呢味！最後我就叫咗呢個玫瑰鐵觀音清烏龍茶， 呢個茶，味道清香，中有陣陣嘅玫瑰香味 ，佢個茶壺同茶杯係一套嘅，淡淡嘅淺藍色配高貴嘅花形圖案， 好有一種夢幻嘅感覺，令人感到心曠神怡！