Video
Read full review
2023-02-15
185 views
疫情緩和，防疫措施亦都放寬，最啱約埋朋友見吓面傾吓偈。最近做咗港島人，所以就約咗朋友喺Times Square集合，揀咗呢間SUL JIB 술집食韓國菜。入面環境都好寬敞，旁邊仲有半獨立卡位，相當有私隱度。點菜後先嚟兩個前菜，分別係漬雜菌同菠菜，味道唔會太濃烈，平時食開泡菜作前菜的話呢款會比較新穎。朋友竟然話想食辣雞腳，我都俾佢嘅選擇嚇咗一跳，原來佢嘅雞腳唔算好辣，而且去晒骨，食起上嚟都幾爽口。另外就揀返個海鮮煎餅，入面嘅材料相當豐富，食得出有好多魷魚同蝦仁，份量勁多夠飽肚。韓國嘅豬手其實都幾出名，用生菜包住豬手，食起上嚟可以減去油膩感。豬手有十多件，肥瘦適中，煙煙韌韌又唔會過鹹。我最欣賞嘅係配搭豬手嘅蝦醬，入面有一隻隻完整嘅蝦仔，非常鮮味。而我就最欣賞佢嘅韓牛飯，平時食開嘅石鍋牛肉飯都係肥牛肉片為主，而呢個韓牛飯係用牛柳粒製成，口感有所不同，而且佢嘅牛柳粒比較腍身，都有少少入口即溶嘅感覺。另外我哋都叫咗兩杯特飲，青檸梳打(Lime Soda)唔會太甜，感覺非常清新。柚子梳打(Yuzu Soda)用柚子醬再加梳打水，感覺都唔會太甜，另外仲有西柚片，好味得嚟又健康。期間我哋都叫咗支Sti
入面環境都好寬敞，旁邊仲有半獨立卡位，相當有私隱度。
點菜後先嚟兩個前菜，分別係漬雜菌同菠菜，味道唔會太濃烈，平時食開泡菜作前菜的話呢款會比較新穎。
朋友竟然話想食辣雞腳，我都俾佢嘅選擇嚇咗一跳，原來佢嘅雞腳唔算好辣，而且去晒骨，食起上嚟都幾爽口。
另外就揀返個海鮮煎餅，入面嘅材料相當豐富，食得出有好多魷魚同蝦仁，份量勁多夠飽肚。
韓國嘅豬手其實都幾出名，用生菜包住豬手，食起上嚟可以減去油膩感。
豬手有十多件，肥瘦適中，煙煙韌韌又唔會過鹹。
我最欣賞嘅係配搭豬手嘅蝦醬，入面有一隻隻完整嘅蝦仔，非常鮮味。
而我就最欣賞佢嘅韓牛飯，平時食開嘅石鍋牛肉飯都係肥牛肉片為主，而呢個韓牛飯係用牛柳粒製成，口感有所不同，而且佢嘅牛柳粒比較腍身，都有少少入口即溶嘅感覺。
韓牛飯
$390
8 views
1 likes
0 comments
柚子梳打(Yuzu Soda)用柚子醬再加梳打水，感覺都唔會太甜，另外仲有西柚片，好味得嚟又健康。
期間我哋都叫咗支Still Water，結束呢個完美嘅晚上。
Post
